නත්තල් සමය ආවරණය වන පරිදි සමස්ත වික්ටෝරියා ප්රාන්තයටම බල පැවැත්වෙන පරිදි මුව ආවරණ රෙගුලාසි දැඩි කිරීම කෙරෙහි ප්රාන්ත සෞඛ්ය අංශවල අවධානය යොමුවී තිබෙනවා.
වික්ටෝරියා වැඩ බලන අගමැති ජේම්ස් මර්ලීනෝ පැවසුවේ සියලුම ගෘහස්ථ කටයුතුවලදී මුව ආවරණ පැළඳීම අනිවාර්ය කිරීම ඇතුලු නීති පණවන්නැයි යෝජනාවක් ඉදිරිපත්වී ඇති බවයි.
කෙසේවෙතත් මේ සම්බන්ධයෙන් මෙතෙක් අවසාන තීරණයක් ගෙන නොමැති බවද ඔමික්රොන් වෛරස් ප්රභේදයේ හැසිරීම සළකා කඩිනමින් අවසන් තීරණයක් ගන්නා බවද වැඩ බලන අගමැතිවරයා කියාසිටියා.
මේ අතර අගමැති ස්කොට් මොරිසන් ගේ ප්රධානත්වයෙන් හෙට පැවැත්වෙන ජාතික කැබිනට් මණ්ඩල රැස්වීමේදීද මුව ආවරණ නීති දැඩි කිරීම පිළිබඳ අවධානය යොමු කෙරෙනු ඇති බව සඳහන්.
ඊට අමතරව අනෙකුත් කොවිඩ් මර්දන නීතිවල සිදුකල යුතු වෙනස්කම් පිළිබඳවද ජාතික කැබිනට් මණ්ඩලය සාකච්ඡා කරනු ඇති.
