මෙල්බන් නගරයේ පොදු ප්‍රවාහන සේවා ගාස්තු ලබන ජනවාරි 01 වනදා සිට ඉහළ දැමීමට පියවර ගෙන තිබෙනවා.
වික්ටෝරියා ප්‍රාන්ත රජය නිවේදනය කලේ සියයට 2.3 කින් මෙලෙස ගාස්තු ඉහළ දැමෙන බවයි.
මේ අනුව Zone 01 සිට 02 දක්වා ගාස්තු වැඩිවීම 20 cents වෙයි.
එනම් දිනකට ඩොලර් 09 ක පූර්ණ ප්‍රවේශ පත්‍රයක් මිළදී ගන්නෙකුට ඩොලර් 09.20 ක් ගෙවීමට සිදුවනු ඇති.
සතියකට දින 05 ක් පොදු ප්‍රවාහනයේ යෙදෙන අයෙකුට වසරකට ඩොලර් 50 ක් පමණ අමතර මුදලක් ගෙවීමට මෙහිදී සිදුවනවා.
කෙසේවෙතත් ප්‍රාදේශීය කලාපවල ගාස්තු පැය 02 ක් සඳහා ඩොලර් 2.40 ලෙසත් දිනක ගාස්තුව ඩොලර් 4.80 ලෙසත් අඛණ්ඩව පවතිනු ඇති.
