මෙවර නව වසර උදාවේ සිඩ්නි ගිණි කෙළි සංදර්ශන නැරඹීම සඳහා ස්ථාන වෙන් කරවා ගැනීම් ආරම්භ කර තිබෙනවා.
වරාය පාලම අසල අවන්හල් ඇතුලු ජනප්‍රිය ස්ථාන 30 කට වැඩි සංඛ්‍යාවක් මේ අතර වනවා.
කොවිඩ් වසංගතය හමුවේ පසුගිය වසරේදී ගිණි කෙළි සංදර්ශනය නැරඹීමට මහජනතාවට අවසර නොලැබුණු නමුත් මෙවර ඉතා සීමිත පිරිසකට පමණක් එම අවස්ථාව උදාවනු ඇති.
ඒ අනුව පූර්ණ එන්නත්කරණයට ලක්වූ ජනතාවට පමණක් දෙසැම්බර් 31 ගිණිකෙලි සංදර්ශනය නැරඹීමට පැමිණිය හැකි වනවා.
පොදු ස්ථානවල සිට සංදර්ශනය නැරඹීම නොමිළයේ වුවද මෙම වෙන් කරවා ගන්නා ස්ථානවල සිට නරඹන්නේ නම් කිසියම් ගාස්තුවක් ගෙවිය යුතු වනවා.
මෙවර ටොන් 06 ක පමණ ගිණිකෙළි භාවිත කිරීමට නියමිත බවයි පැවසෙන්නේ.
