ඔස්ටේ්‍රලියාව තුළ වයස අවුරුදු 05 ත් 11 ත් අතර ළමුන්ට ෆයිසර් එන්නත ලබාදීම සඳහා Therapeutic Goods Administration (TGA) විසින් අනුමැතිය දී තිබෙනවා.
ලබන ජනවාරි 10 වනදා සිට එම එන්නත්කරණ වැඩපිළිවෙල ආරම්භ කරන බවයි සෞඛ්‍ය අමාත්‍ය ග්‍රෙග් හන්ට් නිවේදනය කලේ.
මෙම වයස් කාණ්ඩය සඳහා ෆයිසර් එන්නත ආරක්ෂාකාරී බවට TGA විසින් නිර්දේශ කර තිබෙනවා.
මේ අනුව ඔස්ටේ්‍රලියාව තුළ සිටින අවුරුදු 05 ත් 11 ත් අතර ළමුන් ලක්ෂ 23 කට සති 03 ක පරතරයක් සහිතව ෆයිසර් මාත්‍රා 02 ක් ලබා දෙනු ඇති.
GP වරුන් – ස්වදේශික සෞඛ්‍ය සේවා – සමාජ ඔසු සැල් සහ ප්‍රාන්ත වෛද්‍ය මධ්‍යස්ථාන හරහා එන්නත්කරණ වැඩපිළිවෙල සිදුකිරීමට නියමිතව තිබෙනවා.
එන්නත ලබාගැනීමට වේලාවක් වෙන් කරවා ගත හැකි ආකාර පිළිබඳ ඉදිරියේදී දැනුම් දීමට නියමිත බවද සෞඛ්‍ය අමාත්‍යවරයා සඳහන් කලා.
