ඔමික්‍රොන් නව කොවිඩ් වෛරස් ප්‍රභේදය තවත් අයෙකුට සම්ප්‍රේෂණය වීමේ ඉහළ අවධානමකින් සමන්විත බව වික්ටෝරියා ප්‍රාන්ත ප්‍රධාන වෛද්‍ය නිළධාරී බ්‍රෙට් සට්න් පවසනවා.
එන්නත්වල ප්‍රතිශක්තීකරණය අභිබවා යාමට මෙම වෛරසය සමත්වනු ඇතිද යන්න තහවුරු කර ගැනීමට තවත් සති කිහිපයක් ගතවනු ඇති බවයි ඔහු කියාසිටියේ.
කෙසේවෙතත් අවධානයෙන් පසුවීම වඩාත් වැදගත් බවයි බ්‍රෙට් සට්න් අවධාරණය කරන්නේ.
මේ අතර දැනට ඔමික්‍රොන් වෛරසය පැතිර ඇති රටවල්වලින් ගතවූ දින කිහිපය තුළ ඔස්ටේ්‍රලියාවට පැමිණි වික්ටෝරියා ප්‍රාන්තවාසීන් 40 දෙනෙකු සම්බන්ධයෙන් විමර්ශන ආරම්භ කර තිබෙනවා.
මින් වැඩි පිරිසක් නිරෝධායනයට ලක්වෙමින් සිටින බවද සඳහන්.
කෙසේවෙතත් මේ දක්වා ඔස්ටේ්‍රලියාවෙන් නව වෛරසය ආසාධිතයන් කිසිවෙකුත් නිල වශයෙන් තහවුරු කරගෙන නැහැ.
