ඔමික්‍රොන් වෛරසය ආසාධිත බවට සැක කෙරෙන මගීන් දෙදෙනෙකු සිඩ්නි ගුවන් තොටුපළට පැමිණ තිබෙනවා.
ඔවුන් දෙදෙනාට කොවිඩ් වෛරසය වැළඳී ඇතැයි හඳුනාගෙන ඇති අතර එය ඔමික්‍රොන් ප්‍රභේදයදැයි තහවුරු කරගැනීමට මේ වනවිට විමර්ශන ක්‍රියාත්මකයි.
අප්‍රිකානු රටවල් කිහිපයක මගීන් රැගෙන මෙම ගුවන් යානය සිඩ්නි ගුවන් තොටුපළට කටාර් සිට පැමිණ තිබුණේ ඊයේ රාත්‍රී 07 ට පමණයි.
ගුවන් තොටුපළේදී සිදුකල පරීක්ෂණවලින් ඔවුන් කොවිඩ් ආසාධිත බවට හඳුනාගෙන තිබෙනවා.
සෙසු මගීන් මේ වනවිට හුදකලා කර ඇති බවයි ඔස්ටේ්‍රලියා බළධාරීන් කියාසිටියේ.
දකුණු අප්‍රිකාව ඇතුලු රටවල් 09 ක සිට ගුවන් මගීන් පැමිණීම ඊයේ සිට අත්හිටුවීමටද ඔස්ටේ්‍රලියාව කටයුතු කරනු ලැබුවා.
