ඔමික්‍රොන් ලෙස නම් කල නව කොරෝනා දරුණු ප්‍රභේදය රටට ඇතුලුවීම වළක්වාලීම සඳහා ඔස්ටේ්‍රලියාව විසින් නව පියවර 05 ක් ප්‍රකාශයට පත් කර තිබෙනවා.
ඒ අනුව දකුණු අප්‍රිකාව ඇතුලු අප්‍රිකා මහද්වීපයේ රටවල් 09 ක සිට පැමිණෙන සංචාරකයන්ට ඔස්ටේ්‍රලියාවට ඇතුලුවීමට අවසර ලැබෙන්නේ නැහැ. (South Africa, Namibia, Lesotho, Botswana, Eswatini, the Seychelles, Malawi, Mozambique and Zimbabwe)
එම රටවල සිට පැමිණෙන ඔස්ටේ්‍රලියානු පුරවැසියන්ට හා ස්ථිර පදිංචිකරුවන්ට රටට පැමිණිය හැකි නමුත් ඔවුන් වහාම දින 14 ක නිරෝධායනයට යොමුවිය යුතුයි.
අදාළ රටවල් 09 සිට පැමිණෙන සිසුන්ට මෙන්ම නිපුණතා ශ්‍රමිකයන්ට ඔස්ටේ්‍රලියාවට පැමිණිය හැකි නමුත් ඔවුන්ද දින 14 ක් නිරෝධායනය විය යුතුයි.
දැනටමත් ඔස්ටේ්‍රලියාව තුළ සිටින ගතවූ දින 14 තුළදී අදාළ රටවල් 09 සිට පැමිණි පුද්ගලයන් වෙතොත් ඔවුන් වහා කොවිඩ් පරීක්ෂණයකට යොමුවී දින 14 ක් හුදකලාව සිටිය යුතු වනවා.
වහාම ක්‍රියාත්මක වන පරිදි ඉහත රටවල් 09 සමග සිදු කෙරෙන ගුවන් ගමන් වහා නතර කෙරෙන බවයි සෞඛ්‍ය අමාත්‍ය ග්‍රෙග් හන්ට් කියාසිටියේ.
කෙසේවෙතත් මේ දක්වා ඔස්ටේ්‍රලියාවෙන් ඔමික්‍රොන් ප්‍රභේදය ආසාධිතයෙකු හමුවී නැහැ.
