සමස්ත ප්‍රාන්තය පුරා වැඩ වර්ජනයක් ආරම්භ කිරීමට නිවු සවුත් වේල්ස් රජයේ පාසල්වල ගුරුවරුන් තීරණය කර තිබෙනවා.
ඒ අධික රාජකාරි ප්‍රමාණය සහ වැටුප් ප්‍රමාණවත් නොවීම යන කරුණු පදනම් කරගෙනයි.
මේ අනුව ලබන දෙසැම්බර් 07 වනදා නිවු සවුත් වේල්ස් ගුරුවරුන් එක්දින සංකේත වැඩවර්ජනයක නිරත වන අතර ඊට විදුහල්පතිවරුන්ගේද සහය හිමිවනු ඇති.
වසර 10 කට පමණ පසු සමස්ත නිවු සවුත් වේල්ස් ප්‍රාන්තයම පුරා වැඩවර්ජනයක් සංවිධාන කර ඇති පළමු අවස්ථාව මෙයයි.
මාස 18 ක් පුරා පැවති සාකච්ඡා බිඳ වැටීම හමුවේ මෙම වෘත්තීය ක්‍රියාමාර්ගය සිදුකරන බවද ගුරු වෘත්තීය සමිති සඳහන් කලා.
අයවැයෙන් සියයට 2.5 ක වැටුප් වැඩිවීමක් ලබාදීම ප්‍රාන්ත රජය විසින් ප්‍රතික්ෂේප කිරීම මීට හේතුවී තිබෙනවා.
PIC -AAP
