කොවිඩ් තත්වයත් සමග වික්ටෝරියා ප්‍රාන්තයේ ක්‍රියාත්මක වූ අභ්‍යන්තර ගමනාගමන බලපත් ක්‍රමවේදය නතර කර තිබෙනවා.
ඒ ඕනෑම ප්‍රාන්තයක සිට ඕනෑම අයෙකුට එන්නත්කරණ තත්වය නොසළකා ප්‍රාන්තයට ඇතුලුවීමට අවසර ලැබීමත් සමගයි.
මේ අනුව මෙම වසරේ ජනවාරි මාසයේ සිට රතු – තැඹිලි සහ කොළ පැහැති කලාප ලෙස ක්‍රියාත්මක වූ ක්‍රමවේදය ඊයේ පස්වරු 06 සිට බලාත්මක වන්නේ නැහැ.
වික්ටෝරියා ප්‍රාන්තය තුළ පූර්ණ එන්නත්කරණ ප්‍රතිශතය සියයට 90 ඉක්මවා යාමත් සමගයි ප්‍රාන්ත සෞඛ්‍ය අංශ විසින් මෙම තීරණයට එළැඹී ඇත්තේ.
වික්ටෝරියා ප්‍රාන්තය සහ වෙනත් ප්‍රාන්ත අතර ක්‍රියාත්මක වූ සංචරණ බුබුලු ක්‍රමවේදයද නතර කෙරෙන ඇති.
මාර්ග සැළැස්මට අනුව මීලගට යෙදී ඇත්තේ ලබන පළමුවනදා සිට අවසර ලත් වීසා කාණ්ඩ 28 ක පුද්ගලයන්ට ජාත්‍යන්තර ගුවන් තොටුපළ හරහා ප්‍රාන්තයට ඇතුලුවීමට අවසර ලබාදීමයි.
