විදුලි බිලට දුන් $250 දීමනාව වික්ටෝරියානුවන් බහුතරයක් තවමත් අරගෙන නෑ

වික්ටෝරියා ප්‍රාන්තවාසීන්ගේ විදුලි බිල්පත් ගාස්තු වෙනුවෙන් ලබාදුන් ඩොලර් 250 ක දීමනාව අති විශාල පිරිසක් මේ දක්වා ලබාගෙන නැතැයි හෙළිවී තිබෙනවා.

ඩොලර් මිලියන 700 ක මුදලක් මේ සඳහා වෙන් කර ඇතත් තවමත් ලබාගෙන ඇත්තේ ඩොලර් මිලියන 76 කට ආසන්න මුදලක් පමණයි.

මේ දිනවල නිවාසවල සිටින කාලය ඉහළ යෑමත් නත්තල් කාලය එළඹීමත් සමග විදුලි ගාස්තුවේ ඉහළ යෑමක් දක්නට ලැබෙනවා.

ඊට උපකාරයක් ලෙසයි ඩොලර් 250 ක මුදලක් සෘජුව බැංකු ගිණුමට බැර කිරීමේ වැඩසටහනක් මීට මාස 12 කට පෙර හඳුන්වා දෙනු ලැබුවේ.

නිවාස ලක්ෂ 03 ක ජනතාව පමණක් මේ දක්වා මෙම දීමනාව ලබාගෙන ඇති අතර ලබන ජනවාරි 31 වනදාට පෙර මෙම සුවිශේෂී දීමනා කාලය අවසන් වනවා.

ජොබ් කීපර් / වැඩිහිටි විශ්‍රාම වැටුප හෝ වෙනත් ඕනෑම දීමනාවක් ලබන අයෙකු මේ සඳහා සුදුසුකම් ලබන අතර https://compare.energy.vic.gov.au/ වෙබ් අඩවියට පිවිස දීමනාව සඳහා අයදුම් කල හැකියි.

SOURCE : https://7news.com.au/business/energy/how-to-apply-for-250-victorian-government-cash-back-on-energy-bills-c-4679034?fbclid=IwAR3oPb5tsZ8d1uoRD220JcqHge7LycZp7tXnqxA1x3Fhu8zI3jZfHzoYTNA

PIC – GETTY