ලබන මාසයේදී ප්‍රාන්ත සීමා විවෘත කිරීමත් සමග අධි අවධානම් කොවිඩ් කලාපවල සිට පැමිණෙන පුද්ගලයන් පී සී ආර් පරීක්ෂණ සඳහා ඩොලර් 150 ක මුදලක් ගෙවිය යුතු නොමැති බව ක්වීන්ස්ලන්ඩ් ප්‍රාන්ත රජය නිවේදනය කරනවා.
ප්‍රාන්ත අගමැතිනිය දන්වා සිටින්නේ අදාළ පරීක්ෂණ සඳහා වැයවන මුදල දැරීමට ෆෙඩරල් රජය එකග වී ඇති බවයි.
ඒ අනුව ප්‍රාන්ත රජය සහ මධ්‍යම රජය විසින් සමසේ අදාළ වියදම දරනු ඇති.
ක්වීන්ස්ලන්ඩ් ප්‍රාන්ත රජය පවසන්නේ නත්තල සැමරීම වෙනුවෙන් පැමිණෙන කිසිවෙකුටත් මෙමගින් අමතර පී සී ආර් ගාස්තුවක් දැරීමට සිදුනොවන බවයි.
ලබන මාසයේදී ප්‍රාන්ත සීමා විවෘත කරන විට එන්නත්කරණ ප්‍රතිශතය සියයට 80 ඉක්මවා යනු ඇති බවටද අනාවැකි පළවනවා.
