මෙල්බර්න් නගරය තුළ ක්‍රියාත්මක වූ දින 112 ක ලොක්ඩවුන් කාලසීමාව තුළ නිවාසවලදී සිදුවූ ළමා මරණ සංඛ්‍යාව කැපී පෙනෙන ලෙස ඉහළ ගොස් තිබෙනවා.
සංඛ්‍යාලේඛණ අනුව විවිධ අනතුරු හමුවේ ළමුන් 29 දෙනෙකු මෙම කාලසීමාව තුළදී මියගොස් ඇති බව සඳහන්.
එය පසුගිය වසර 03 හා සැසඳීමේදී සියයට 17 ක ඉහළයාමක් ලෙසයි සටහන් වන්නේ.
මින් වැඩිම මරණ සංඛ්‍යාවක් වාර්තා වන්නේ දියේ ගිලීම් හේතුවෙන් සිදුවු මරණ ලෙසයි.
පසුගිය වසරේ මැද භාගයේ සිට මේ වසරේ මැද භාගය දක්වා කාලය සැළකීමේදී වික්ටෝරියා ප්‍රාන්තයේ වයස අවුරුදු 04 ට අඩු ළමුන් 25 දෙනෙකු දියේ ගිලීමෙන් මියගොස් තිබෙනවා.
එය 2019 වසර හා සැසඳීමේදී සියයට 108 ක ඉහළ යාමක්.
ලොක්ඩවුන් හමුවේ දෙමව්පියන් නිවෙස් තුළ සිටියදී පවා මෙම අනතුරු වාර්තාවීම කණගාටුදායක බවයි වික්ටෝරියා සෞඛ්‍ය අංශ පවසන්නේ.
