තරග 02 කින් සමන්විත ශ්‍රී ලංකා – බටහිර ඉන්දීය කොදෙව් ටෙස්ට් තරගාවලිය අද ආරම්භ වනවා.
තරග 02 ම පැවැත්වෙන්නේ ගාල්ල ජාත්‍යන්තර ක්‍රීඩාංගණයේදීයි.
දිමුත් කරුණාරත්න ගේ නායකත්වය යටතේයි ශ්‍රී ලංකා කණ්ඩායම මෙම තරගාවලියට එක්වන්නේ.
මේ අතර ටෙස්ට් තරග 200 ක තරග තීරක ලෙස කටයුතු කරන ලද පළමු තරග තීරකවරයා වීමේ අවස්ථාව ජාත්‍යන්තර ක්‍රිකට් කවුන්සිලයේ තරග තීරකවරුන්ගේ ප්‍රධානී රංජන් මඩුගල්ලේට අද උදාවනවා.
ලොව තරග තීරකවරුන් අතර ජ්‍යෙෂ්ඨතමයා ලෙසයි රංජන් මඩුගල්ලේ සැලකෙන්නේ.
ටෙස්ට් තරග 100 සහ 150 ක සීමාව පසුකළ පළමු තරග තීරකයා ලෙසින්ද ඔහු වාර්තා පොත් අතරට එක්ව සිටිනවා.
