තමාට සහ තම පවුලට එරෙහි මරණ තර්ජන පිටුපස සිටිනුයේ එන්නත්කරණයට එරෙහි පිරිස් බව වික්ටෝරියා ප්‍රාන්ත අගමැති ඩැනියල් ඇන්ඩෲස් පවසනවා.
කුමන බාධා එල්ලවුවද කොවිඩ් වසංගතය වික්ටෝරියා ප්‍රාන්තයෙන් තුරන් කිරීම සඳහා ගත හැකි සෑම පියවරක්ම ගන්නා බවටයි ඔහු සහතික වූයේ.
රූපවාහිනී නාලිකාවක් සමග අද පෙරවරුවේ පැවති සම්මුඛ සාකච්ඡාවකදීයි අගමැතිවරයා මේ බව සඳහන් කලේ.
කිසිදු තර්ජනයකට බිය නොමැති බවත් ප්‍රාන්ත අගමැතිවරයා ලෙස ගත යුතු සියලු නිවැරදි තීන්දු නිසි කලට ගන්නා බවටත් ඔහු සහතික වුණා.
වික්ටෝරියා ප්‍රාන්තයේ නව කොවිඩ් පණතට එරෙහිව වික්ටෝරියා ප්‍රාන්ත පාර්ලිමේන්තුව ඉදිරිපිට පැවැත්වෙන විරෝධතා අතරතුර ඩැනියල් ඇන්ඩෲස් සහ පවුලේ සාමාජිකයන්ට මරණ තර්ජන එල්ලවූ අතර පාර්ශව රැසක් ඒ පිළිබඳ අප්‍රසාදය පළ කලා.
