කොවිඩ් මර්දනය වෙනුවෙන් ලොක්ඩවුන් කාලසීමාවේදී ගොඩගැසී තිබූ සියලුම ලිපි සහ පාර්සල් බෙදා හැර අවසන් කල බව Australia Post පවසනවා.
කෙසේවෙතත් නත්තල් තෑගි සහ සුභ පැතුම් ඇතුලු සියල්ල නිසි කාලයට පෙර බෙදා හැර අවසන් කිරීමට නම් කලින් ප්‍රකාශයට පත් කල දින වකවානු අඛණ්ඩව බලපැවැත්වෙන බවයි ඔවුන් නිවේදනය කරන්නේ.
ඒ අනුව බටහිර ඔස්ටේ්‍රලියාව සහ Northern Territory හැර අනෙකුත් සියලු ප්‍රදේශ සඳහා පාර්සල් භාර ගන්නා අවසන් දිනය දෙසැම්බර් 13 වනදායි.
Express Post සඳහා එය දෙසැම්බර් 20 වනදා ලෙසයි දක්වා ඇත්තේ.
බටහිර ඔස්ටේ්‍රලියාව සහ Northern Territory සඳහා පාර්සල් භාර ගන්නා අවසන් දිනය දෙසැම්බර් 08 වනදායි.
එම ප්‍රදේශවල Express Post සඳහා එය දෙසැම්බර් 15 වනදා ලෙසයි දක්වා ඇත්තේ.
Australia Post හි විශාලම සැකසුම් මධ්‍යස්ථානය වන මෙල්බර්න් Sunshine West හි පිහිටා ඇති මධ්‍යස්ථානයේ ඉදිරියේදී දිනකට පාර්සල් ලක්ෂ 20 ක් පමණ සකසා අවසන් කෙරෙනු ඇති බවටයි අනාවැකි පළවන්නේ.
PIC CREDIT – AAP
