වික්ටෝරියා ප්‍රාන්ත රජය විසින් ගෙන ඒමට යෝජිත නව කොවිඩ් පණත් කෙටුම්පතට එරෙහිව වික්ටෝරියා පාර්ලිමේන්තුව ඉදිරිපිට ඊයේ රාත්‍රියේ සිට මේ දක්වා විරෝධතාවයක් ක්‍රියාත්මකයි.
70 කට ආසන්න පිරිසක් එම ස්ථානයේ රැඳී සිටින බව සඳහන්.
ප්‍රාන්ත රජය විසින් ගෙන ඒමට යෝජිත පණත් කෙටුම්පත හරහා ප්‍රාන්ත අගමැතිවරයාට ප්‍රමාණය ඉක්මවා බලතල ලැබෙන බවත් එය කිසිසේත් අනුමත කල නොහැක්කක් බවත් විරෝධතාකරුවන් පෙන්වා දෙනවා.
මෙම සතිය පුරාවට මෙලෙස මුලු දිනය පුරා වික්ටෝරියා පාර්ලිමේන්තුව ඉදිරිපිට විරෝධතාවයක නිරතවීමයි ඔවුන්ගේ සැලසුම වන්නේ.
වසංගත තත්වයකදී හදිසි තත්වයක් ප්‍රකාශ කිරීමේ බලය ඇතුලු අසීමිත බලතල රැසක් යෝජිත නව පණත් කෙටුම්පතෙන් අගමැතිවරයාට ලැබෙන බවටයි විරෝධතාකරුවන් චෝදනා කර සිටින්නේ.
