මෙල්බර්න් බටහිර Sunshine පොලිස් ස්ථානයේ අත්අඩංගුවේ පසුවූ පුද්ගලයෙකු මිය යාම සම්බන්ධයෙන් විශේෂ පරීක්ෂණයක් ආරම්භ කර තිබෙනවා.
එම ප්‍රදේශයේම පදිංචි 43 හැවිරිදි මෙම තැනැත්තා අත්අඩංගුවට ගනු ලැබුවේ අගහරුවාදා රාත්‍රියේයි.
කෙසේවෙතත් ඊයේ රාත්‍රී 11 ට පමණ පරීක්ෂා කිරීමේදී ඔහු ප්‍රතිචාර දක්වා නොමැති අතර එම ස්ථානයට වහා වෛද්‍ය කණ්ඩායම් කැඳවා තිබෙනවා.
එහෙත් ඒ වනවිටත් එම පුද්ගලයා මියගොස් සිට ඇති බවයි පොලිසිය සඳහන් කලේ.
මෙම සිද්ධිය සම්බන්ධයෙන් විශේෂ පරීක්ෂණයක් ක්‍රියාත්මක බව වික්ටෝරියා ප්‍රාන්ත පොලිසිය කියාසිටියා.
