ඉදිරි දින කිහිපය තුළ වික්ටෝරියා – නිවු සවුත් වේල්ස් සහ ක්වීන්ස්ලන්ඩ් ප්‍රාන්තවල ප්‍රදේශ රැසකට ධාරාණිපාත වැසි සහ අකුණු සහිත කුණාටු තත්වයක් ඇති විය හැකි බවට අනතුරු ඇගවෙයි.
සාමාන්‍යයෙන් මාසයකට ඇද හැලෙන වර්ෂාපතනය මෙහිදී දින 03 ක් තුළ වාර්තා විය හැකි බවටයි කාළගුණ අංශ අනාවැකි පළකරන්නේ.
වික්ටෝරියා ප්‍රාන්තයේ දකුණු සහ කඳුකර ප්‍රදේශ හරහා දැඩි සුළං තත්වයක් පවතිනු ඇති බවද සඳහන්.
මීට සති 02 කට පමණ ඉහතදීද වික්ටෝරියා ප්‍රාන්තයට දැඩි කුණාටු සහිත කාළගුණයක් පැවති අතර ඇතැම් ප්‍රදේශවලට දින කිහිපයක් විදුලි බලයද ඇණහිට තිබුණා.
කාළගුණ අංශ නිකුත් කරන අනතුරු ඇගවීම් නිවේදන පිළිබඳ අවධානයෙන් පසුවන ලෙසටයි වික්ටෝරියා – නිවු සවුත් වේල්ස් සහ ක්වීන්ස්ලන්ඩ් ප්‍රාන්තවාසීන්ට දැනුම් දීමක් සිදු කෙරෙන්නේ.
source : https://7news.com.au/news/weather/flood-warning-for-australias-east-cost-c-4493801
Credit: DAN HIMBRECHTS/AAPIMAGE
