මෙල්බර්න් CBD හි අවන්හල්වල ආහාර ගන්නා පාරිභෝගිකයන් වෙනුවෙන් ඩොලර් මිලියන 05 ක් වටිනා වවුචර ක්‍රමයක් ප්‍රකාශයට පත් කර තිබේ.
ඒ අනුව සඳුදා සිට බ්‍රහස්පතින්දා දක්වා දිනවල ආහාර ගන්නා පුද්ගලයන්ට බිල්පතෙහි වටිනාකමින් සියයට 30 ක් දක්වා වට්ටම් ලබාගැනීමට හැකිවේ.
කොවිඩ් හමුවේ අඩාල වූ වික්ටෝරියා ව්‍යාපාර වෙනුවෙන් ප්‍රකාශයට පත් කල ඩොලර් මිලියන 44 ක ආධාර වැඩපිළිවෙලෙහි තවත් අධියරක් ලෙසයි එය ක්‍රියාත්මක වන්නේ.
වික්ටෝරියා ප්‍රාන්ත අගමැති ඩැනියල් ඇන්ඩෲස් පැවසුවේ එමගින් මෙල්බර්න් CBD වෙත වැඩි වශයෙන් පාරිභෝගිකයන් ගෙන්වා ගැනීමට ඉඩකඩ ලැබෙනු ඇති බවයි.
මෙම වට්ටම් ලබාගැනීම සඳහා ඩොලර් 50 සිට 500 දක්වා වටිනාකමක් යටතේ restaurants, cafes & bars තුළින් ආහාර ලබාගත යුතු වනවා.
මේ අතර නත්තල් සමය වෙනුවෙන් නගරයට ජනයා ගෙන්වා ගැනීම සඳහා තවත් අමතර ඩොලර් මිලියන 15.7 ක අමතර ප්‍රතිපාදන සැපයීමටද වික්ටෝරියා ප්‍රාන්ත රජය තීරණය කර තිබේ.
