පූර්ණ එන්නත්කරණයට ලක්වූ සිංගප්පූරු ජාතිකයන්ට ලබන 21 වනදා සිට ඔස්ටේ්රලියාවට ඇතුලුවීමට අවසර දී තිබේ.
පසුගිය වසරේ මාර්තු මාසයේදී ඔස්ටේ්රලියා දේශ සීමා වසා දැමීමෙන් පසු රටට පැමිණීමට අවසර හිමිවන දෙවන රට වන්නේ සිංගප්පූරුවයි.
මෙතෙක් එම අවසරය පැවතුණේ පූර්ණ එන්නත්කරණයට ලක්වූ නවසීලන්ත ජාතිකයන් පමණි.
කෙසේවෙතත් සිඩ්නි හෝ මෙල්බර්න් නගර වෙත පමණක් සිංගප්පූරු ජාතිකයන්ට ඇතුලුවීමට අවසර හිමිවනු ඇති.
අගමැති ස්කොට් මොරිසන් සහ සිංගප්පූරු අගමැති ලී සියෑන් ලුං අතර රෝමයේ පැවති හමුවකින් අනතුරුවයි මෙම නිවේදනය නිකුත් කෙරුණේ.
