දෛනික කොවිඩ් තොරතුරු දැනුම්දීම සඳහා වික්ටෝරියා සෞඛ්‍ය අංශ විසින් දිනපතා පැවැත්වූ ප්‍රවෘත්ති සාකච්ඡා මින් ඉදිරියට නොපැවැත්වීමට තීරණය කර තිබේ.
ප්‍රාන්ත කොවිඩ් අණදෙන නිළධාරී Jeroen Weimar පැවසුවේ ආසාධිතයන් සංඛ්‍යාව දිනෙන් දින අඩුවීම ඊට හේතුව බවයි.
මේ අනුව මාස ගණනක් පුරා දිනපතා පෙරවරු 11 ට පැවති වික්ටෝරියා කොවිඩ් මාධ්‍ය හමුව අදින් නිමාවට පත් වේ.
මීට පෙර නිවු සවුත් වේල්ස් ප්‍රාන්තය විසින්ද මෙලෙස දිනපතා පැවැත්වූ ප්‍රවෘත්ති සාකච්ඡාව නතර කරන ලදී.
ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් ආසාදිතයින් 1,355 ක් හමුව ඇත.
මරණ 11 ක් ද වාර්තා විය.
මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 21,095 කි
ඊයේ දිනයේදී (29) වික්ටෝරියා ප්‍රාන්තය තුළ කොරෝනා පරීක්ෂණ 68,484 ක් සිදුකර ඇති අතර කොරෝනා එන්නත් මාත්‍රා 22,455 ක් ලබා දී තිබේ.
