බටහිර ඔස්ටේ්‍රලියා ප්‍රාන්තයේ කඳවුරු භූමියකදී අතුරුදන්වූ 04 හැවිරිදි Cleo Smith දැරිය සම්බන්ධ නිවැරදි තොරතුරකට ඩොලර් මිලියනයක ත්‍යාග මුදලක් පිරිනැමීමට ප්‍රාන්ත රජය තීරණය කර තිබේ.
ප්‍රාන්ත අගමැති Mark McGowan පර්ත් නුවරදී අද දහවල් මාධ්‍ය හමුවක් කැඳවමින් මේ බව සඳහන් කලේය.
දැරිය අතුරුදන්ව අදට දන 06 ක් ගතවී ඇති අතර ඊයේ දිනයේදී ප්‍රාන්ත පොලිසිය නිවේදනය කලේ මෙය අනිවාර්ය පැහැර ගැනීමක් බවට සනාථ කල හැකි බවයි.
Cleo Smith සහ පවුලේ සාමාජිකයන් සිටි කූඩාරමේ Zipper එක ඇරගැනීමට තරම් උසකින් දැරිය නොසිටීම ඊට හේතුව බවටයි බටහිර ඔස්ටේ්‍රලියා පොලිසිය නිවේදනය කලේ.
ඒ අනුව Cleo Smith දැරිය පැහැරගත් තැනැත්තා අත්අඩංගුවට ගැනීම සඳහා වන නිවැරදි තොරතුරකට මෙලෙස ඩොලර් ලක්ෂ 10 ක ත්‍යාග මුදලක් පිරි නැමීමටයි ප්‍රාන්ත රජය තීරණය කර ඇත්තේ.
සොයා මේ වනවිට ත්‍රිවිධ හමුදාවම මෙහෙයුම් ආරම්භ කර තිබේ.
