Wollongong ආසන්නයේදී දුම්රිය මාර්ගයේ නවතා තිබූ මෝටර් රථයක ගැටීමෙන් දුම්රිය මගීන් 03 දෙනෙකු සහ නියාමකවරයෙකු තුවාල ලබා තිබේ.
Kembla Grange level crossing හරස් මාර්ගය හරහා ගමන් කරමින් සිටියදී මිනිසුන් රහිත මෝටර් රථයක දුම්රිය ගැටී ඇත්තේ අද අලුයම 04.20 ට පමණයි.
වික්ටෝරියා පොලිසිය පවසන්නේ අනතුරක් කිරීමේ අරමුණින් සිතාමතා මෙලෙස මෝටර් රථයක් නතර කර තබා ඇති බව විමර්ශනවලදී හෙළි කරගත් බවයි.
තුවාල ලැබූවන්ගේ තත්වය බරපතල නැතැයි ද පොලිසිය පැවසීය.
Flinders ප්‍රදේශයේ නිවසකින් කොල්ලකන ලද මෝටර් රථයක් මේ සඳහා යොදාගෙන තිබේ.
අනතුර සිදුවීමට මොහොතකට පෙර කිසියම් පුද්ගලයෙකු අදාළ ස්ථානයේ සිට දිවයන අයුරුද ඇසින් දුටු සාක්ෂිකරුවෙකු විසින් පොලිසියට ලබාදී ඇති සාක්ෂියක දැක්වේ.
pic – 9news
