කොවිඩ් මර්දන එන්නත ලබාගැනීම ප්‍රතික්ෂේප කල වික්ටෝරියා පොලිස් කාර්ය මණ්ඩලයේ 40 කට වැඩි පිරිසක් සේවයෙන් ඉවත්ව ඇති අතර ඔවුන්ගේ රැකියා අහිමිවීමේ අවධානමක් නිර්මාණය වී තිබේ.
පොලිස් නිළධාරීන් 34 ක් සහ Protective Services Officers 09 දෙනකු මේ අතර වන බව වික්ටෝරියා පොලිසිය නිවේදනය කලේය.
ප්‍රාන්ත ප්‍රධාන සෞඛ්‍ය නිළධාරීවරයාගේ උපදෙස් නිසි පරිදි පිළිනොපැදීම මෙම පිරිසට එරෙහි චෝදනාවයි.
වික්ටෝරියා පොලිස් කොමසාරිස්වරයාගේ නියෝග නොපිළිපැදීම යන වරද යටතේ මෙම පිරිසට එරෙහිව විනය පරික්ෂණ පවත්වා රැකියාවෙන් නෙරපා හැරීමට වුවද ප්‍රතිපාදන පවතී.
පොලිස් සේවයද අත්‍යවශ්‍ය සේවයක් ලෙස නම් කර ඇති අතර ඔවුන්ද අනිවාර්යයෙන් එන්නත ලබාගත යුතු ක්ෂේත්‍රයක් ලෙස නම් කර ඇත.
