ඩොලර් 48 ක් නිසා ශ්‍රී ලංකාවට ජාත්‍යන්තරයේ කලු පැල්ලමක්

ශ්‍රී ලංකාවට පැමිණි ජර්මනියට අයත් ගුවන් යානයකට කටුනායක ගුවන්තොටුපළ බලධාරීන්ගේ නොසැලකිල්ලෙන් සිදුවූ අපහසුතාව සම්බන්ධයෙන් විශේෂ පරීක්ෂණයක් ආරම්භ කර තිඛෙනවා.

ජර්මනියේ සිට මාලදිවයිනට මගීන් 226 දෙනෙකු සමග පැමිණි ගුවන් යානයක් ඉකුත් සැප්තැම්බර් 26 වනදා පෙරවරු 11.25 ට පමණ කටුනායක ගුවන් තොටුපළට හදිසියේ ගොඩබස්වා ඇත්තේ ගුවන් කලාපයේ පැවැති දැඩි අයහපත් කාලගුණික තත්වය හේතුවෙනුයි.

පස්වරු 01 ට පමණ එම ගුවන් යානය නැවත පිටත්වීමට සූදානම්වූ අවස්ථාවේ නියමිත ගාස්තු ගෙවීම සඳහා පැයකටත් වැඩි කාලයක් ගත කිරීමට අදාළ ගුවන් සමාගමේ නිලධාරීන්ට සිදුවී ඇත්තේ කටුනායක ගුවන්තොටුපළේ තිබූ ක්‍රෙඩිට් කාර්ඩ් යන්ත්‍ර කිහිපයක් අක්‍රියව පැවතීම හමුවේයි.

මෙම සිද්ධිය වඩාත් කතාබහට ලක්ව ඇත්තේ කටුනායක ගුවන් තොටුපළේ සිදුවූ දෝශයකින් අදාළ ජර්මන් ගුවන් යානයට වැඩිපුර කාලයක් රැදී සිටීමට සිදුවූ කාලයටද ශ්‍රී ලංකා ගුවන්තොටුපළ බළධාරීන් අමෙරිකානු ඩොලර් 48 ක ප්‍රමාද ගාස්තුවක් අයකර තිබීමයි.

ගුවන්තොටුපළ හා ගුවන්සේවා සමාගමේ මෙහෙයුම් අධ්‍යක්ෂ ශෙහාන් සුමනසේකර සඳහන් කලේ මෙම සිද්ධිය සම්බන්ධයෙන් දැනටමත් විමර්ශනයක් ආරම්භ කර ඇති බවයි.

සිද්ධිය පැහැදිලි කර අදාළ ගුවන් සේවා සමාගමට (Condor) ලිඛිත දැනුම්දීමක් කිරීමට බලාපොරොත්තු වන බවද ඔහු කියාසිටියා.

විශය භාර රාජ්‍ය අමාත්‍ය ඩී.වී චානක ද අදාළ සිදුවීම සම්බන්ධයෙන් මේ වනවිට වාර්තාවක් කැඳවා තිඛෙනවා.

ඔහු පැවසුවේ හෙට දිනයේදී එම වාර්තාව තමන්ට ලැබීමට නියමිත බවයි.

ලාංකිකයන්ට ඔස්ට්‍රේලියා යන්න අවස්ථාවක් අරගෙන ඔස්ට්‍රේලියාවේ සංක්‍රමණික නියෝජිතවරු සහ නීතිඥවරු ශ්‍රී ලංකාවට

ඔස්ට්‍රේලියාවේ රැකියාවක් මෙන්ම අධ්‍යාපනය පිළිබඳ බලාපොරොත්තුවෙන් පසුවන ශ්‍රී ලාංකික තාරුණ්‍යයේ සිහින ඉටු කෙරෙන “Aus Lanka TV Education Migration Expo 2024” වැඩසටහන ලබන මැයි මස 4 වන සෙනසුරාදා පැවැත්වීමට සියලු කටයුතු සූදානම් කර තිබෙනවා.

Read More »

ජීවිත 7ක් අහිමි කළ මෝටර් රථ ධාවන තරගාවලියේ දෙදෙනෙක් අත්අඩංගුවේ

දියතලාව ෆොක්ස් හිල් සුපර්ක්‍රොස් ධාවන තරගයේදී සිදු වූ අනතුරට අදාළව රියදුරන් දෙදෙනෙකු පොලිසිය විසින් අත්අඩංගුවට ගෙන තිබෙනවා.

Read More »

ඊශ්‍රායලයේ අමානුෂික ප්‍රහාරයක් ගැන ජාත්‍යන්තර අවධානය

දකුණු ගාසා තීරයේ රෆා නගරයට ඊශ්‍රායලය එල්ල කළ ප්‍රහාරවලින් කුඩා ළමයින් 18 දෙනෙකු ඇතුලු පුද්ගලයින් 22ක් ජීවිතක්ෂයට පත්වී තිබෙනවා.

Read More »