නිවු සවුත් වේල්ස් ප්‍රාන්තය සමග තිබූ ප්‍රාන්ත සීමා ලිහිල් කිරීමට වික්ටෝරියා ප්‍රාන්තය තීරණය කර තිබේ.
ඒ අනුව Red Zones සිට පැමිණෙන පූර්ණ එන්නත්කරණයට ලක්වූ පුද්ගලයන්ටද දින 14 ක් හුදකලාව සිටීම අවශ්‍ය නොවනු ඇති.
ලබන 19 වනදා රාත්‍රී 12 සිට නව රෙගුලාසි බලාත්මක වන බව වික්ටෝරියා සෞඛ්‍ය අමාත්‍ය Martin Foley පැවසීය.
කෙසේවෙතත් අදාළ පුද්ගලයන් වික්ටෝරියා ප්‍රාන්තයට ඇතුලුවීමට පැය 72 කට පෙර ලබාගත් සෘණාත්මක පී සී ආර් වාර්තාවක් ඉදිරිපත් කල යුතු වනවා.
එන්නත ගෙන නොමැති අය තවදුරටත් දින 14 ක් නිරෝධායනය විය යුතුයි.
එමෙන්ම Red zones සිට මේ දක්වා වික්ටෝරියා ප්‍රාන්තයට පැමිණීමට අවසර දී තිබුණේ වික්ටෝරියා ප්‍රාන්තවාසීන්ට පමණක් වුවද ලබන 19 වනදා සිට ඕනෑම අයෙකුට ඉහත කොන්දේසි සපුරන්නේ නම් වික්ටෝරියා ප්‍රාන්තයට ඇතුලුවිය හැකියි.
