Barbecue ඡායාරූපයට අගමැති මොරිසන්ට දසතින් චෝදනා – AusLanka TV – Australian News for the Sri Lankan community

Barbecue ඡායාරූපයට අගමැති මොරිසන්ට දසතින් චෝදනා

Barbecue ඡායාරූපයට අගමැති මොරිසන්ට දසතින් චෝදනා

නිරෝධායනය වෙමින් සිටින අතරතුර සමාජ මාධ්‍යයේ පළකල ඡායාරූපයක් සම්බන්ධයෙන් අගමැති ස්කොට් මොරිසන්ට දැඩි විවේචන එල්ල වී තිබේ.

අමෙරිකාව සිට පැමිණීමෙන් පසු අගමැතිවරයා The Lodge හි මේ වනවිට දින 14 ක නිරෝධායනය වෙමින් සිටී.

ඊයේ දිනයේදී ඔහු විසින් barbecue සකස් කරන ඡායාරූපයක් සමාජ මාධ්‍යයේ පළකර තිබිණ.

කෙසේවෙතත් විදේශයන් හි සිට පැමිණෙන සාමාන්‍ය ඔස්ටේ්‍රලියානුවන්ට අඩු පහසුකම් වලින් සහිත නිරෝධායන මධ්‍යස්ථානවල සිටීමට සිදුව තිබීමත් ඇතැමුන්ට කාමරයෙන් එළියට පවා යාමට නොහැකි වන ලෙස දැඩි නීති අනුගමනය කිරීමත් අගමැතිවරයාට ඊට වෙනස් ප්‍රතිපත්තියක් අනුගමනය කිරීමත් සම්බන්ධයෙන් සමාජ ජාල පරිශීලකයන් අති විශාල පිරිසක් චෝදනා එල්ල කරමින් සිටිති.

එමෙන්ම ඇතැමුන් අගමැතිවරයාගේ ආහාර පිසීමේ හැකියාවන් සම්බන්ධයෙන් ප්‍රසාදය පළ කර තිබිණ.

source : https://7news.com.au/politics/double-standards-scott-morrison-slammed-after-sharing-tone-deaf-barbecue-photo-on-instagram-c-4196573