ඇල්කොහොල් පිළිබඳ හඳුනාගත හැකි අධි සංවේදී උපකරණ ඉතාම නුදුරේදී ඔස්ටේ්රලියාව තුළ අලෙවි කරන මෝටර් රථ තුළ සවි කිරීමට තීරණය වී තිබේ.
පළමු අධියරේදී වික්ටෝරියා ප්රාන්තයේ මෝටර් රථ සහ ට්රක් රථ සඳහා එය සවි කිරීමට නියමිතයි.
රියදුරා රථයට ගොඩවූ පසු ඔහු මත්පැන් පානය කර ඇතිද යන්න තත්පරයක් තුළදී සංඥා නිකුත් කිරීමට මෙම අධි තාක්ෂණික මෙවලමට හැකියාව පවතිනවා.
එපමණක් නොව ඉතාම ඉහළ මට්ටමක ඇල්කොහොල් ප්රතිශතයක් පවතීනම් වාහනය පණගැන්වුවද එය ධාවනය නොවන ආකාරයටයි මෙය සකස් කර ඇත්තේ.
රියදුරන්ගේ ඇල්කොහොල් ප්රතිශතය හඳුනාගැනීමට දැනට භාවිත කරන තාක්ෂණය ක්රමවේදයන්ට වඩා මෙම නව අත්හදා බැලීම නිරවද්යභාවයෙන් ඉහළවීම විශේෂත්වයක්.
මෙම වසරේ මුල් මාස 09 තුළදී බීමත් රියදුරන් හේතුවෙන් වික්ටෝරියා ප්රාන්තයේ සිදුවූ පුද්ගල මරණ සංඛ්යාව 25 ක්.
එය 2019 වසර හා සැසඳීමේදී සියයට 32 ක ඉහළයාමක්ද වනවා.
PIC – 9NEWS