බෝට්ටුවලින් එන අනවසර සංක්‍රමණිකයන් පැපුවා නිව් ගිනියා යැවීම නවතී

අනවසර සංක්‍රමණිකයන් පැපුවා නිවු ගිනියා හි පිහිටා ඇති රැඳවුම් මධ්‍යස්ථානයට යැවීම අත්හිටුවීමට ඔස්ටේ්‍රලියාව තීරණය කර තිබේ.

ඒ අනුව නීති විරෝධීව ඔස්ටේ්‍රලියාවට පැමිණීමට තැත් කිරීමේදී ආරක්ෂක අංශ භාරයට ගන්නා කිසිවෙකුත් මෙම වසර අවසානයෙන් පසු පැපුවා නිවු ගිනියා හි රැඳවුම් මධ්‍යස්ථානයට පිටත්කර යැවීමක් සිදුනොවන බවයි ස්වදේශ කටයුතු ඇමතිනී Karen Andrews සඳහන් කලේ.

කෙසේවෙතත් ඔස්ටේ්‍රලියාවේ දැඩි දේශ සීමා ආරක්ෂණ නීති කිසිදු අයුරකින් ලිහිල්වී නොමැති බව ඇය අවධාරණය කරනවා.

ඒ අනුව බෝට්ටු මගින් නීති විරෝධීව ඔස්ටේ්‍රලියාවට පැමිණිමේදී හසුවන කිසිවෙකු හෝ ඔවුන් පදිංචි රටට පිටත්කර යැවීම හෝ නාවුරු දූපතේ පිහිටා ඇති රැඳවුම් මධ්‍යස්ථානයට යැවෙන බවයි ස්වදේශ අමාත්‍යවරිය කියාසිටියේ.

දැනට පැපුවා නිවු ගිනියා හි සිටින අනවසර සංක්‍රමණිකයන් 120 දෙනාට එහි පදිංචිවීමට හෝ නාවුරු දූපතට යාමට හැකියාව පවතිනවා.

ඔස්ටේ්‍රලියාව විසින් පැපුවා නිව් ගිනියා හි මෙම රැඳවුම් මධ්‍යස්ථානය ආරම්භ කලේ මීට වසර 08 කට ඉහතදීයි.

ඒ බෝට්ටු මගින් අනවසරයෙන් ඔස්ටේ්‍රලියාවට පැමිණීමේදී දේශ සීමා ආරක්ෂකයන් භාරයට ගන්නා පුද්ගලයන් ප්‍රධාන භූමියට ඇතුලු කර ගැනීමෙන් තොරව රඳවා තබාගෙන ඔවුන්ගේ සංක්‍රමණ අයදුම්පත් සළකා බැලීම සඳහායි.

එහෙත් මෙම කඳවුරේ පහසුකම් ප්‍රමාණවත් නොවීම – නිරාහාර උපවාස වැනි දෑ නිරතුරුව වාර්තා වූ අතර ගතවූ වසර 08 තුළදී එහි සටහන්වූ මරණ සංඛ්‍යාව 13 ක්.

ලොව පළමු වරට මැතිවරණයකට AI අපේක්ෂකයෙක්

ලොව ප්‍රථමවරට කෘතිම බුද්ධියෙන් නිර්මාණය කළ අපේක්ෂකයකු බ්‍රිතාන්‍යයේ මැතිවරණය සඳහා තරග කිරීමට ඉදිරිපත් වන බව විදෙස් මාධ්‍ය වාර්තා කර තිබෙනවා.

Read More »

ක්වීන්ස්ලන්ඩ්හි ශත 50 පොදු ප්‍රවාහන ගාස්තුවට බාධකයක්

අමතර රාජ්‍ය අරමුදල් යෙදවීමක් නොමැති වීම හේතුවෙන් පොදු ප්‍රවාහනයට නියම කළ ශත 50 ගාස්තුව ගැටළුවක් වනු ඇති බව බ්‍රිස්බේන් නගර සභාව අනතුරු අඟවනවා.

Read More »

ඇඩිලේඩ්හි සාප්පු සංකීර්ණයක් වැසූ පොලිස් මෙහෙයුම ගැන සියල්ල හෙළිවෙයි

දකුණු ඇඩිලේඩ් හි වෙස්ට්ෆීල්ඩ් මේරියන් සාප්පු මධ්‍යස්ථානයේ (Marion Shopping Centre) සිදු වූ හදිසි පොලිස් මෙහෙයුම තරුණයන් පිරිසක් අතර ඇතිවූ ගැටුමක් බව පොලිසිය පවසනවා.

Read More »

ජනප්‍රිය සංචාරක ගමනාන්තයකට මෙල්බන් සිට නව ගුවන් සේවාවක්

Jetstar සමාගම විසින් ජනප්‍රිය සංචාරක ගමනාන්තයක් වන ක්වීන්ස්ලන්ඩ්හි හර්වි බේ (Hervey Bay) දක්වා මෙල්බර්න් සිට නව ගුවන් සේවාවක් ආරම්භ කර තිබෙනවා.

Read More »

වික්ටෝරියා ප්‍රාන්තයේ සෞඛ්‍ය සේවාව ගැන තීරණයක්

වික්ටෝරියා ප්‍රාන්තයේ සෞඛ්‍ය සේවාව වෙනුවෙන් ලැබෙන අරමුදල් කප්පාදුවකට ප්‍රාන්ත රජය සූදානම් වන බවට තොරතුරු ලැබී ඇතැයි විපක්ෂ නායක ජෝන් පෙසුටෝ (John Pesutto) පවසනවා.

Read More »