පැය 06 කට ආසන්න කාලයක් පුරා වට්ස්ඇප් – ෆේස්බුක් සහ ඉන්ස්ටග්‍රම් සේවා බිඳවැටී තිබීම හේතුවෙන් ඒවායෙහි හිමිකාරීත්වය දරන මාර්ක් සකර්බර්ග්ට සිදුව ඇති පාඩුව ඩොලර් බිලියන 08 කට වැඩි බව තක්සේරු කර තිබෙනවා.
අමෙරිකානු කොටස් වෙළඳපොල තුළ අදාළ සමාගම්වල කොටස් මිළ සැළකිය යුතු මට්ටමකින් පහළ ගොස් ඇති බවද විදෙස් වාර්තා සඳහන් කලා.
ෆේස්බුක් සමාගම සතු එම සමාජ මාධ්‍යවල කෝටි 350 ඉක්ම වූ පරිශීලකයින්ට මෙම ඇප්ලිකේෂන සහ සේවා වෙත ඊයේ රාත්‍රියේ සිට පිවිසිය නො හැකි වුණා.
කෙසේවෙතත් එම සමාජ මාධ්‍ය අද අලූයම් කාලයේ යළි සක්‍රීය කෙරුණු බවයි ෆේස්බුක් ආයතනය ප්‍රකාශ කළේ.
එහි නිර්මාතෘ මාර්ක් සකර්බර්ග් මෙම බිඳ වැටීම සම්බන්ධයෙන් පරිශීලකයින් වෙතින් සමාව අයැද සිටියා.
මේ අතර ෆේස්බුක් සමාජ මාධ්‍ය බිඳ වැටීමකට ලක්වනවිට ට්විටර් සමාජ මාධ්‍ය වෙත පැමිණි පරිශීලකයින් සංඛ්‍යාව සීඝ්‍රයෙන් ඉහළ ගොස් තිබෙනවා.
