ඔස්ටේ්‍රලියාවට එන්න ඔබ ගත යුතු එන්නත් ගැන දැනුවත්ද ?? – AusLanka TV – Australian News for the Sri Lankan community

ඔස්ටේ්‍රලියාවට එන්න ඔබ ගත යුතු එන්නත් ගැන දැනුවත්ද ??

ඔස්ටේ්‍රලියාවට එන්න ඔබ ගත යුතු එන්නත් ගැන දැනුවත්ද ??

ඔස්ට්‍රේලියාවේ දේශ සීමා නොවැම්බර් මාසයේදී යළි විවෘත කළ පසු ඔස්ට්‍රේලියානු පුරවැසියන් හෝ ස්ථිර පදිංචිකරුවන් නොවන පිරිස් ඔස්ට්‍රේලියාවට පැමිණෙයිනම් ඔවුන් TGA මගින් අනුමත කර ඇති කොවිඩ් එන්නත් වර්ගවලින් මාත්‍රා 02 ම ලබාගෙන සිටීම අනිවාර්යයි.

ඒ අනුව ඔස්ට්‍රේලියාවට පැමිණෙන ජාත්‍යන්තර සංචාරකයින් සඳහා කොවිඩ් එන්නත් වර්ග 6 කට මේ වන විට අනුමැතිය ලබා දී තිබේ.

  • Pfizer
  • AstraZeneca
  • Moderna
  • Johnson & Johnson
  • Sinovac
  • Covishield

සිනොවැක් කොවිඩ් මර්දන එන්නත චීනයේ නිෂ්පාදනයකි.

ඒ අනුව අදාළ එන්නත සම්බන්ධයෙන් සිදුකෙරුණු ඇගයීම් සම්පූර්ණ කිරීමෙන් අනතුරුව රට තුළ පිළිගත් එන්නත් ලැයිස්තුවට නිල වශයෙන් ඇතුළත් කළ බව TGA නිවේදනය කළේය.

මෙම පියවරත් සමග ඔස්ට්‍රේලියාවේ ඉගෙනුම ලබන චීන සිසුන්ට දේශසීමා විවෘත කළ පසු රටට පැමිණීමට අවස්ථාව හිමිවෙයි.

මේ අතර ඉන්දියාවේ නිෂ්පාදනය කරන කොවිෂීල්ඩ් කොවිඩ් මර්දන එන්නත ද ඔස්ට්‍රේලියාවේ අනුමත එන්නත් ලැයිස්තුවට ඇතුළත් කර තිබේ.

ඒ එම එන්නත ලබාගත් විදේශීය සිසුන්ට සහ සංචාරකයින්ට රට තුළට ඇතුල්වීම සඳහා අවස්ථාව උදාකර දෙමිනි.

මෙම එන්නත් 02 අනුමත ලැයිස්තුවට ඇතුළත් කලද ඔස්ටේ්‍රලියාව තුළදී එන්නත්කරණය සිදු නොකෙරේ.