වික්ටෝරියා ප්‍රාන්තය තුළ කොවිඩ් ආසාධිතයන් ගණන සීඝ්‍රයෙන් ඉහළයාමට ප්‍රධාන හේතුව පසුගිය සති අන්තයේ පැවති AFL අවසාන මහා තරගයට සමගාමීව පැවති අනවසර සාද බවට චෝදනා එල්ල වනවා.
ප්‍රාන්ත කොවිඩ් අණදෙන නිළධාරි Jeroen Weimar පැවසුවේ සමීප නිවාසවල සිටින පුද්ගලයන් අතර කොවිඩ් සම්ප්‍රේෂණය ඉහළ ගොස් ඇති බවයි.
එබැවින් අනවසර සාද සඳහා සහභාගී වු කිසිවෙකු හෝ වෙතොත් වහා කොවිඩ් පරීක්ෂණයකට යොමුවන ලෙස වික්ටෝරියා සෞඛ්‍ය අංශ ඉල්ලීමක් කරනවා.
ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් ආසාදිතයින් 1,438 ක් හමුව ඇත.
මරණ 5ක් ද වාර්තා විය.
මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 11,018 කි.
මේ අතර ප්‍රාන්තය තුළ ෆයිසර් එන්නත් මාත්‍රා ලබාදීමේ පරතරය සති 06 සිට සති 03 දක්වා අඩු කිරීමටද තීරණය වී ඇතැයි ප්‍රාන්ත අගමැති ඩැනියල් ඇන්ඩෲස් අද පැවති මාධ්‍ය හමුවේදී පැවසීය.
ලබන සති අන්තයේදී ප්‍රාන්තයට තවත් මොඩර්නා මාත්‍රා 88,000 ක් හිමිවනු ඇතැයිද ඔහු කියාසිටියා.
ප්‍රාන්තය මෙන් ආසාධිතයන් 40,000 වැනි තත්වයකට වික්ටෝරියා ප්‍රාන්තය පත් කිරීම වළක්වාලීමට හැකි සෑම පියවරක්ම ගන්නා බවද අගමැතිවරයා ප්‍රකාශ කලේය.
