ඔස්ටේ්‍රලියාවත් ලංකාව මෙන් බංකොළොත් වනු ඇතැයි ඔස්ටේ්‍රලියාවේ ධනවත්ම කාන්තාවගෙන් අනතුරු ඇගවීමක් – AusLanka TV – Australian News for the Sri Lankan community

ඔස්ටේ්‍රලියාවත් ලංකාව මෙන් බංකොළොත් වනු ඇතැයි ඔස්ටේ්‍රලියාවේ ධනවත්ම කාන්තාවගෙන් අනතුරු ඇගවීමක්

ඔස්ටේ්‍රලියාවත් ලංකාව මෙන් බංකොළොත් වනු ඇතැයි ඔස්ටේ්‍රලියාවේ ධනවත්ම කාන්තාවගෙන් අනතුරු ඇගවීමක්

දැනට ක්‍රියාත්මක ආර්ථික ක්‍රමය වෙනස් නොකලහොත් සංවර්ධිත රටක් ලෙස සිටින ඔස්ටේ්‍රලියාවද නුදුරේදී ශ්‍රී ලංකාව සහ ආර්ජන්ටිනාව වැනි ආර්ථික පීඩනයන්ට ලක්වූ රටක් බවට පත්විය හැකි බවට ඔස්ටේ්‍රලියාවේ ධනවත්ම කාන්තාව ලෙස සැළකෙන Gina Rinehart අනතුරු අගවනවා.

පතල් කර්මාන්තයේ ව්‍යාපාර රැසක හිමිකාරීත්වය දරන ඇය පෙන්වා දෙන්නේ අධික ලෙස මුදල් වියදම් කිරීම සහ අධි නියාමනය ඊට ප්‍රධාන හේතූන් ලෙසයි.

පසුගිය මැයි මාසය වනවිට ඩොලර් බිලියන 31 ක වත්කම් හිමි Gina Rinehart මෙම අදහස් පළකර ඇත්තේ බ්‍රිතාන්‍ය පුවත්පතක් සමග පැවති සම්මුඛ සාකච්ඡාවකදීයි.

පසුගිය වසරේදී ඔස්ටේ්‍රලියා රජයේ අයවැය හිගය ඩොලර් බිලියන 167 ක් ලෙස පැවතීම සතුටුදායක තත්වයක් නොවන බවත් ෆෙඩරල් රජය වහා වියදම් කප්පාදුවකට යා යුතු බවත් ඇය අවධාරණය කරනවා.

සියල්ල නොමිළයේ ලබාදීම වහා අත්හිටුවිය යුතු බව Gina Rinehart පෙන්වා දී ඇත්තේ බ්‍රිතාන්‍ය පාලන සමයේ සශ්‍රීක රටක් ලෙස පැවති ශ්‍රී ලංකාව අද වනවිට පත්ව ඇති තත්වය උදාහරණ ලෙස ගෙන හැර දක්වමින්.

Source : https://www.dailymail.co.uk/news/article-10031933/Gina-Rinehart-warns-Australia-end-impoverished-like-Sri-Lanka-Argentina.html