මෙල්බර්න් නගරයේ කොවිඩ් එන්නත් විරෝධී උද්ඝෝෂණ සඳහා සූදානම් වූ කිහිප දෙනෙකු අද පෙරවරුවේ වික්ටෝරියා පොලිසිය විසින් අත්අඩංගුවට ගෙන තිබේ.
CBD හිදී සැළකිය යුතු පිරිසකට මාංචු දමා ඇති ආකාරයක් දක්නට ලැබුණු බව මාධ්‍ය වාර්තා කලේය.
Elizabeth – Bourke Streets අසලදී පෙරවරු 10 ට ඒකරාශී වන්නැයි විරෝධතාකරුවන්ට දැනුම් දීමක් ලැබී තිබුණි.
කෙසේවෙතත් පස්වරු 03 ට විරෝධතාව ආරම්භ කරන බවට සංශෝධනය කර ඇත.
පසුගිය සඳුදා – අගහරුවාදා – බදාදා යන දින 03 දීම උද්ඝෝෂණ පැවති නමුත් විශාල පොලිස් නිළධාරීන් පිරිසක් යොදවා සිටීම නිසා ඊයේ විරෝධතාව අවලංතු කෙරිණ.
ඉදි කිරීම් සේවකයන්ගේ ඉල්ලීම වන්නේ කොවිඩ් මර්දන එන්නත අනිවාර්ය නොකරන ලෙසයි.
pic Credit: JAMES ROSS/AAPIMAGE
