ඉදිකිරීම් සේවකයන් CBD හි විරෝධතා කරද්දී ඉදිකිරීම් සේවකයෙකුගේ මළ සිරුර මෙල්බර්න් වැඩබිමකින් හමුවෙයි – AusLanka TV – Australian News for the Sri Lankan community

ඉදිකිරීම් සේවකයන් CBD හි විරෝධතා කරද්දී ඉදිකිරීම් සේවකයෙකුගේ මළ සිරුර මෙල්බර්න් වැඩබිමකින් හමුවෙයි

ඉදිකිරීම් සේවකයන් CBD හි විරෝධතා කරද්දී ඉදිකිරීම් සේවකයෙකුගේ මළ සිරුර මෙල්බර්න් වැඩබිමකින් හමුවෙයි

වික්ටෝරියා හි ඉදිකිරීම් වැඩබිම් සති 02 කට වසා දමා පැය කිහිපයක් ගතවීමට පෙර බටහිර මෙල්බර්න් හි වැඩබිමක තිබී සේවකයෙකුගේ මළ සිරුර හමුවී තිබේ.

Spencer Street හි වැඩබිමක තිබී අද පෙරවරු 07 ට පමණ මෙම සිරුර හමුවී ඇත.

මරණයට හේතුව මේ දක්වා අනාවරණ වී නොමැති අතර එම පුද්ගලයා වැඩබිමේදීම මියගොස් සිටි බවත් වෙනත් ස්ථානයක සිට ගෙනවිත් දමන ලද සිරුරක් නොවන බවත් මූලික විමර්ශනවලදි හෙළිවී ඇත.

අදාළ ස්ථානයේ සෞඛ්‍යාරක්ෂණ උපදේශ නිසි පරිදි ක්‍රියාත්මක වි ඇතිදැයි සොයා බලන බවද පොලිසිය කියයි.

අඛණ්ඩව දෙවන දිනයටත් ඉදි කිරීම් සේවකයන් මෙල්බර්න් නගරයේ ස්ථාන කිහිපයක විරෝධතා පවත්වමින් සිටී.

කැරළි මර්දන පොලිස් නිලධාරීන්ද කැඳවා තිබේ.

ඉදි කිරීම් සේවකයන්ගේ ඉල්ලීම වන්නේ ලබන 23 වනදා සිට කොවිඩ් මර්දන එන්න්ත අනිවාර්ය කර ඇති නියමය ඉවත් කරන ලෙසයි.

මෙල්බර්න් සහ වික්ටෝරියා ප්‍රාන්තයේ අනෙකුත් ප්‍රදේශවල සති 02 ක කාලයක් සඳහා සියලුම ඉදිකිරීම් ක්ෂේත්‍රයට සම්බන්ධ කටයුතු අත්හිටුවීමට පියවර ගෙන තිබේ.

Source : https://7news.com.au/news/vic/mans-body-found-at-melbourne-worksite-hours-after-construction-shutdown-announcement–c-4024676

Pic Credit: 7NEWS