ඔක්තෝබර් වනවිට වික්ටෝරියා දෛනික ආසාධිතයන් 1400 – 2900 වනු ඇතැයි අනාවැකියක් – AusLanka TV – Australian News for the Sri Lankan community

ඔක්තෝබර් වනවිට වික්ටෝරියා දෛනික ආසාධිතයන් 1400 – 2900 වනු ඇතැයි අනාවැකියක්

ඔක්තෝබර් වනවිට වික්ටෝරියා දෛනික ආසාධිතයන් 1400 – 2900 වනු ඇතැයි අනාවැකියක්

ඔක්තෝබර් මාසය අග භාගය වනවිට වික්ටෝරියා ප්‍රාන්තයේ දෛනික කොවිඩ් ආසාධිතයන් සංඛ්‍යාව 1400 ත් 2900 ත් අතර විය හැකි බවට නවතම සමීක්ෂණයක් පුරෝකථනය කර තිබෙනවා.

Burnet Institute විසින් සිදුකර ඇති මෙම අධ්‍යයනයට අනුව වික්ටෝරියාවේ කොවිඩ් තත්වයේ උච්චතම අගය ගනු ඇත්තේ ඔක්තෝබර් 19 වනදාත් 31 වනදාත් අතරතුරයි.

එහිදී රෝහල්ගත කිරීම් 1200-2500 දක්වාද / දැඩි සත්කාර ඒකකවල සිටින සංඛ්‍යාව 260-550 දක්වාද ඉහළ වනු ඇති බවටයි අනාවැකි පළවන්නේ.

වෛද්‍යවරුන්ගේ ස්ථාවරය වී ඇත්තේ දැනට පවති්න Lockdown තත්වය අඛණ්ඩව පවත්වාගෙන යා යුතු බවයි.

ඩෙල්ටා වෛරස ප්‍රභේදයේ බලපෑමෙන් මෙල්බර්න් නගරය තවමත් අවධානමෙන් මිදී නොමැති බවද ඔවුන් පෙන්වා දෙනවා.

කෙසේවෙතත් වික්ටෝරියා ප්‍රාන්ත අගමැති ඩැනියෙල් ඇන්ඩෲස් විසින් ඊයේ ප්‍රකාශයට පත් කල මාර්ග සැළැස්ම අනුව සංචරණ සීමා ලිහිල් කලහොත් මෙල්බර්න් හි කොවිඩ් ආසාධිතයන් නැවත වරක් නොවැම්බර් – දෙසැම්බර් වනවිට ඉහළ යනු ඇතැයිද මෙම අධ්‍යයනයේදී හෙළි කර තිබේ.

Source : https://www.9news.com.au/national/burnet-institute-modelling-predicts-victoria-covid19-cases-could-soar-into-thousands/180cc4d7-c67a-4688-9566-01c991f3a10c