මෙල්බර්න් පාසල් – වෙළඳසැල් – ක්‍රීඩා භූමි විවෘත වන දින / වෙනස් වූ නීති සියල්ල මෙතැනින්

වික්ටෝරියා ප්‍රාන්තය ලොක්ඩවුන් තත්වයෙන් මුදා හැරීමේ වැඩපිළිවෙල අද ප්‍රකාශයට පත් කෙරුණා.

මෙල්බර්න් නාගරික කලාපය සහ ප්‍රාදේශීය කලාපය ලෙස වෙන වෙනම මෙම රෙගුලාසි ක්‍රියාත්මකයි.

ඒ අනුව මෙල්බර්න් නාගරික කලාපය තුළ එන්නත්කරණ ඉලක්කය සියයට 80 සපිරුණු වහා එනම් බොහෝ දුරට සැප්තැම්බර් 26 න් පසුව මිතුරන් හමුවීම / ක්‍රිකට් – ගොල්ෆ් වැනි බාහිර ක්‍රීඩා සඳහා අවසර හිමිවීම සහ මූලික වශයෙන් පාසල් විවෘත කිරීම සිදුවනවා.

දෙවන අධියරේදී ඇඳිරි නීතිය ඉවත් කිරීමත් – 03 වන අධියරේදී මුව ආවරණ පැළඳීමේ සීමා ලිහිල් කිරීමත් අපේක්ෂා කෙරෙනවා.

04 වන අධියර යටතේ නත්තල් සමය වනවිට බොහෝ දුරට නිවසකට අමුත්තන් 30 දෙනෙකු සඳහා පැමිනිමට අවසර ලබාදීමට අපේක්ෂා කෙරෙනවා.

මෙල්බර්න් නාගරික කලාපය

පළමු අධියර – Phase A

ප්‍රාන්තයේ එන්නත්කරණ ඉලක්කය සියයට 80 සපිරුණු වහා එනම් බොහෝ දුරට සැප්තැම්බර් 26 න් පසුව :

මිතුරන් හමුවීම සඳහා වික්ටෝරියා ප්‍රාන්තවාසීන්ට පිටතට යා හැකිය.

ක්‍රිකට් – ගොල්ෆ් වැනි බාහිර ක්‍රීඩා සඳහා අවසර හිමිවේ.

පුද්ගලයන් 05 ක උපරිමයකට ශරීර සුවතා සඳහා එකවර සහභාගී විය හැකිය.

පාසල් විවෘත කිරීම මෙහිදී සිදුවේ. බොහා් දුරට ඔක්තෝබර් 05 වනදා සිට අධියරෙන් අධියර මෙල්බර්න් පාසල් විවෘත කිරීම ආරම්භ කෙරේ.

එහිදී සතියකට දින 02 ක් හෝ 03 ක් පමණක් සිසුන්ට පාසල්වලට පැමිණීමට අවසර දෙනු ඇත.

දෙවන අධියර -Phase B

ඔක්තෝබර් 26 වනදා වනවිට – ප්‍රාන්තයේ මුලු ජනගහණයෙන් සියයට 70 කට මාත්‍රා 02 ම දීමේ ඉලක්කය ජයගත් පසු :

නිවාසවලින් පිටතට යාමේ අත්‍යවශ්‍ය කරුණු ඉවත් කෙරේ – ඇඳිරි නීතිය ඉවත් කෙරේ

Pubs – Clubs විවෘත කෙරේ

නිවසින් පිටත උපරිම 10 දෙනෙකුට රැස්විය හැකිය.

මාත්‍රා 02 ම ගත් උපරිම 50 දෙනෙකුට විවාහ සඳහා පැමිණිය හැකිය.

පාසල් සඳහා සියලුම සිසුන් කැඳවීමට අපේක්ෂිතයි.

03 වන අධියර – Phase C

නොවැම්බර් 05 වනදා වනවිට – ප්‍රාන්තයේ මුලු ජනගහණයෙන් සියයට 80 කට මාත්‍රා 02 ම දී අවසන් කිරීම ජයගත් පසු :

අවන්හල් වැනි ස්ථාන ඇතුළත උපරිම 150 කට අසුන් ගෙන ආහාර පාන ගැනීමට අවසර දෙයි.

මුව ආවරණ පැළඳිය යුත්තේ ගෘහස්ථ කටයුතුවලදී පමණි.

සියලුම Retail වෙළඳසැල් විවෘත කිරීම මෙම අධියරේදී සිදුකෙරේ.

පාසල්වල කටයුතු කිසිදු සීමාවකින් තොරව සිදුකිරීමට අපේක්ෂා කෙරේ – Childcare ද විවෘතය.

විවාහ – අවමගුල් හා ආගමික කටයුතු සඳහා මාත්‍රා 02 ම ගත් 150 කට අභ්‍යන්තරයේත් උපරිම 500 කට බාහිරවත් සහභාගී විමට අවසර දේ.

04 වන අධියර – Phase D

නොවැම්බර් 19 වනදා වනවිට – ප්‍රාන්තයේ ජනගහණයෙන් සියයට 80 කට මාත්‍රා 02 මද අවුරුදු 12 ට වැඩි සියල්ලන්ට එන්නත ලබාදී අවසන් කල පසුව

නත්තල් සමය වනවිට බොහෝ දුරට නිවසකට අමුත්තන් 30 දෙනෙකු සඳහා පැමිණීමට අවසර ලබාදීමට අපේක්ෂා කෙරේ.

සමස්ත වැඩපිළිවෙල

https://twitter.com/DanielAndrewsMP/status/1439418426850570244?s=20

ජාත්‍යන්තර අධිකරණයෙන් ඊශ්‍රායලයට නියෝගයක්

සාගත තත්ත්වය වළක්වා ගැනීම සඳහා ගාසා තීරයට බාධාවකින් තොරව ආධාර ලබා දීමට අවස්ථාව සලසන්නැයි එක්සත් ජාතීන්ගේ සංවිධානය ඊශ්‍රායලයට නියෝග කර තිබෙනවා.

Read More »

ඔස්ට්‍රේලියාවේ ගුවන්තොටුපලවල දැඩි කාර්ය බහුල තත්ත්වයක්

ඔස්ට්‍රේලියානුවන් දහස් ගණනක් මෙම දීර්ඝ පාස්කු සති අන්ත නිවාඩුවත් සමග ගුවන් ගමන් සඳහා එක්වීමට අපේක්ෂා කරන බව හෙළිව තිබෙනවා.

Read More »

ඔස්ට්‍රේලියාවේ සැත්කමකට සූදානමින් ඉන්න අයට පණිවුඩයක්

නිව් සවුත්වේල්ස් ප්‍රාන්තයේ කාර්ය සාධක බලකායක ක්‍රියාමාර්ගවලින් පසු ශල්‍යකර්ම සඳහා වූ පොරොත්තු කාලය අඩු කිරීමට පියවර ගෙන තිබෙනවා.

Read More »

මෙල්බන් ව්‍යාපාරිකයාගේ ලැම්බෝගිනි ඇතුලු මෝටර් රථ 17ක් පොලිසියට

මෙල්බන් නගරයේ මත්ද්‍රව්‍ය ජාවාරම් කළ බවට චෝදනා එල්ල වූ පුද්ගලයෙකුට අයත් ඩොලර් මිලියන 4ක වටිනාකමින් යුත් සුඛෝපභෝගී මෝටර් රථ පොලිස් භාරයට ගෙන තිබෙනවා.

Read More »

පාස්කු නිවාඩුවට එළියට යන අයට Google Maps ගැන දැනුම්දීමක්

ක්වීන්ස්ලන්ඩ් ප්‍රාන්තයේ මෙන්ම ඉන් පිටත සංචාරය කරන විට Google මැප් මත පමණක් විශ්වාසය තබා කටයුතු නොකරන ලෙසට බලධාරීන් සංචාරකයින්ට දැනුම් දෙනවා.

Read More »

දිනකට ආහාර වේල් බිලියනයක් කුණු බක්කියට

ලොව පුරා පුද්ගලයින් මිලියන 800ක් කුසගින්නේ පසුවද්දී දිනකට ආහාර වේල් බිලියනයකට වැඩි ප්‍රමාණයක් මිනිසුන් අපතේ හරින බව නවතම අධ්‍යයනයකින් අනාවරණ වී තිබෙනවා.

Read More »