Breaking: ලොහාන් රත්වත්තේ ඉල්ලා අස් වෙයි

බන්ධනාගාර කළමනාකරණ හා සිරකරුවන් පුනරුත්ථාපන කටයුතු රාජ්‍ය අමාත්‍ය ධුරයෙන් ලොහාන් රත්වත්තේ ඉල්ලා අස්වී තිබෙනවා.

ඔහු ඒ බව දන්වා ජනාධිපතිවරයා වෙත ලිපියක් ද යොමු කර තිබෙනවා.

මේ අතර වැලිකඩ සහ අනුරාධපුර බන්ධනාගාර පරිශ්‍රවලදී දී තමා වෙතින් සිදු වූ සිද්ධීන්ට අදාළව වගකීම භාර ගනිමින් ලොහාන් රත්වත්තේ සිය රාජ්‍ය අමාත්‍ය ධූරයෙන් ඉල්ලා අස්වී ඇති බව ජනාධිපති මාධ්‍ය අංශය නිකුත් කල නිවේදනයක සඳහන්.

ලොහාන් රත්වත්තේ අද ජනාධිපති ගෝඨාභය රාජපක්ෂ මහතා වෙත ඒ බව දැනුම් දුන් අතර ජනාධිපතිවරයා විසින් එම ඉල්ලා අස්වීම පිළිගනු ලැබූ බවද ජනාධිපති මාධ්‍ය අංශය කියාසිටියා.

කොළඹ බන්ධනාගාර මූලස්ථානයට පසුගිය 06 වනදා මිතුරන් පිරිසක් සමග බීමතින් අයුතු ලෙස ඇතුලුවී ඇති ලොහාන් රත්වත්තේ හිටපු රාජ්‍ය අමාත්‍යවරයා පසුගිය 12 වනදා අනුරාධපුර බන්ධනාගාරයට ද ඒ අයුරින්ම අයුතු ලෙසින් ඇතුලු වී ඇතැයි බන්ධනාගාර ආරංචි මාර්ග සඳහන් කලා.

ඔහු සිය ගිනි අවිය ද රැගෙන මිතුරන් කිහිපදෙනකු සමග අනුරාධපුර බන්ධනාගාරයේ එල්ටීටීඊ සැකකරුවන් රඳවා ඇති සිරමැදිරිය අසලට ගොස් එහි සිටි රැඳවියන් කිහිප දෙනෙකු සිරමැදිරියෙන් එළියට ගෙන ඇති බවටද වාර්තා පළවී තිබුණා.

සිය මිතුරන්ට එල්ලූම් ගස පෙන්වීමට අවශ්‍ය බව පවසමිනුයි ඉකුත් 06 වැනිදා හිටපු රාජ්‍ය අමාත්‍යවරයා කොළඹ බන්ධනාගාර මූලස්ථානයට ඇතුලුවී ඇති බවට බන්ධනාගාර ආරංචි මාර්ග සඳහන් කලේ.

මේ අතර අනුරාධපුර බන්ධනාගාරයට පැමිණි හිටපු රාජ්‍ය අමාත්‍ය ලොහාන් රත්වත්තේ විසින් සිරකරුවන් ඝාතනය කරන බවට තර්ජනය කර ඇතැයි ද වාර්තා පළවුනා.

මෙම නින්දිත හා නීති විරෝධීව සිදුවීම් මත ඔහු වහා ධුරයෙන් ඉවත් කරන ලෙස විපක්ෂ නායක සජිත් ප්‍රේමදාස මහතා ජනාධිපතිවරයාගෙන් ඉල්ලා සිටියා.

එම සිදුවීම තරයේ හෙළා දකින බවයි නිවේදනයක් නිකුත් කරමින් විපක්ෂ නායකවරයා සඳහන් කලේ.

මෙම පිළිකුල් සහගත නීති විරෝධී ක්‍රියාව මගින් මෙරට පවතින අරාජික තත්වය මනා සේ විදහා දක්වනු ලබන බවද සජිත් ප්‍රේමදාස මහතා සඳහන් කලා.

එමෙන්ම ද්‍රවිඩ ජාතික සන්ධානයද ඉල්ලා සිටියේ මෙම සිදුවීම් සම්බන්ධයෙන් ලොහාන් රත්වත්තේ වහා රාජ්‍ය අමාත්‍ය ධුරයෙන් ඉවත් කර අත්අඩංගුවට ගෙන වහා පරීක්ෂණයක් පැවැත්විය යුතු බවටයි.

සිඩ්නි ත්‍රස්ත මර්දන වැටලීමකින් බාල වයස්කරුවන් පිරිසක් අත්අඩංගුවට

සිඩ්නි සහ ගෝල්බර්න් හි සිදු කළ ත්‍රස්ත මර්දන වැටලීම්වලින් බාල වයස්කරුවන් පස් දෙනෙකු අත්අඩංගුවට ගෙන තිබෙනවා.

Read More »

මෙල්බන් කාන්තාවන්ගේ ආත්මාරක්ෂාවට ෆෙඩරල් රජයෙන් ඉල්ලීමක්

වික්ටෝරියා ප්‍රාන්තයේ කාන්තාවන්ට ආරක්ෂාව සඳහා ගම්මිරිස් ඉසින රැගෙන යාමට අවසර ලබා දෙන ලෙස ඉල්ලා ෆෙඩරල් රජයට ලැබෙන ඇමතුම් වැඩි වී තිබෙනවා.

Read More »

යුද විරුවන් සමරන ANZAC දිනය වෙනුවෙන් සැමරුම් වැඩසටහන් රැසක්

දෙවන ලෝක යුද සමයේදී සහ අනෙකුත් යුද ගැටුම්වලදී මියගිය ඔස්ට්‍රේලියා සහ නවසීලන්ත රණවිරුවන් සමරන ඇන්සක් (ANZAC) දිනය අදට යෙදී තිබෙනවා.

Read More »