මෙතෙක් එන්නත නොගත් වික්ටෝරියා ගැබිණි මව්වරුන්ට විශේෂ දැනුම් දීමක්

මෙතෙක් කොවිඩ් එන්නත ලබාගෙන නොමැති ගර්භණී මව්වරුන්ට හැකි ඉක්මණින් ඒ සඳහා කටයුතු කරන ලෙස වික්ටෝරියා ප්‍රාන්ත සෞඛ්‍ය බළධාරීන් දන්වා සිටිනවා.

හෙට එනම් ඉරිදා දිනය වනවිට සති 24 ක ගර්භණී කාලයක් සහිත කාන්තාවන්ට එන්නත ලබා ගැනීමට පහසුකම් සලසා ඇති බවයි අද පෙරවරුවේ පැවති මාධ්‍ය හමුවකදී සඳහන් කෙරුණේ.

එන්නත්කරණ මධ්‍යස්ථානයට පැමිණි පසු ඔවුන්ට ඒ සඳහා ප්‍රමුඛතාවය හිමිවන බවද මෙහිදී ප්‍රකාශ කෙරුණා.

ගැබිණි මව්වරුන් විශාල පිරිසක් එන්නත ලබා ගැනීමට බියෙන් පසුවන බවද එබැවින් ඔවුන් කොවිඩ් වෛරසයට ගොදුරුවීමේ ඉහළ අවධානමක් ඇති බවද මෙහිදී සඳහන් කෙරුණා.

මේ වනවිට අමෙරිකාවේ සහ බ්‍රිතාන්‍යයේ ගැබිණි මව්වරුන් ලක්ෂ 02 කට පමණ ෆයිසර් එන්නත දී ඇති අතර ඔවුන් කිසිවෙකුටත් අතුරු ආබාධයක් මතුවී නොමැති බවයි වික්ටෝරියා සෞඛ්‍ය අංශ පෙන්වා දෙන්නේ.

ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් ආසාදිතයින් 450 ක් හමුව ඇත.

මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 2,793 කි.

ඊයේ දිනයේදී (10) වික්ටෝරියා ප්‍රාන්තය තුළ කොරෝනා පරීක්ෂණ 42,765 ක් සිදුකර ඇති අතර කොරෝනා එන්නත් මාත්‍රා 39,148 ක් ලබා දී තිබේ.

ළමයින් ශ්‍රමිකයන් ලෙසට යොදා ගත්තොත් වැඩ වරදී

වික්ටෝරියා ප්‍රාන්තයේ ළමා ශ්‍රමිකයින් යොදා ගන්නා වෙළඳසැල්වලට එරෙහිව නීතිය තදින්ම ක්‍රියාත්මක කරන බව ප්‍රාන්ත ආණ්ඩුව නිවේදනය කර තිබෙනවා.

Read More »

නීති විරෝධීව බෝට්ටුවෙන් පැමිණි පිරිසක් අනාරක්ෂිත වෙයි

බටහිර ඔස්ට්‍රේලියාවේ යොන්ගාහි සංක්‍රමණික රැදවුම් මධ්‍යස්ථානය තවදුරටත් එම රැඳවුම් සඳහා සුදුසු නොවන බවට මානව හිමිකම් කොමිසම ප්‍රකාශ කරනවා.

Read More »

ලාංකිකයන්ට ඔස්ට්‍රේලියා යන්න අවස්ථාවක් අරගෙන ඔස්ට්‍රේලියාවේ සංක්‍රමණික නියෝජිතවරු සහ නීතිඥවරු ශ්‍රී ලංකාවට

ඔස්ට්‍රේලියාවේ රැකියාවක් මෙන්ම අධ්‍යාපනය පිළිබඳ බලාපොරොත්තුවෙන් පසුවන ශ්‍රී ලාංකික තාරුණ්‍යයේ සිහින ඉටු කෙරෙන “Aus Lanka TV Education Migration Expo 2024” වැඩසටහන ලබන මැයි මස 4 වන සෙනසුරාදා පැවැත්වීමට සියලු කටයුතු සූදානම් කර තිබෙනවා.

Read More »