Update: නවසීලන්තයේදී මියගිය IS සාමාජික ලාංකිකයා මීට පෙරත් අත්අඩංගුවේ ඉඳලා – AusLanka TV – Australian News for the Sri Lankan community

Update: නවසීලන්තයේදී මියගිය IS සාමාජික ලාංකිකයා මීට පෙරත් අත්අඩංගුවේ ඉඳලා

Update: නවසීලන්තයේදී මියගිය IS සාමාජික ලාංකිකයා මීට පෙරත් අත්අඩංගුවේ ඉඳලා

නවසීලන්තයේ ඕක්ලන්ඩ් නගරයේ සුපිරි වෙළඳ සැලක් තුළදී පුද්ගලයන් 06 දෙනෙකුට තියුණු ආයුධයකින් පහරදී තුවාල සිදුකල 32 හැවිරිදි ශ්‍රී ලාංකිකයෙකු නවසීලන්ත පොලිසිය තැබූ වෙඩි ප්‍රහාරයකින් මියගොස් තිබෙනවා.

එරට අග්‍රාමාත්‍ය ජසින්ඩා ආර්ඩර්න් සඳහන් කලේ මෙය අයි එස් සංවිධානයේ අන්තවාදී මත දැරීම හමුවේ සිදුව ඇති ත්‍රස්ත ක්‍රියාවක් බවයි.

සැකකරු වසර 10 ක සිට නවසීලන්තයේ වාසය කර ඇති බවද තහවුරු කරගෙන තිබෙනවා.

කෙසේවෙතත් ඔහුගේ අනන්‍යතාවය හෙළි කිරීම නවසීලන්ත බළධාරීන් විසින් ප්‍රතික්ෂේප කර තිබෙනවා.

සැකකරු ප්‍රහාරය ආරම්භ කර තත්පර 60 ක් තුළදී වෙඩි තබා ඝාතනය කිරීමට නවසීලන්ත පොලිසිය සමත්ව ඇති බවද අගමැතිනිය කියාසිටියා.

තුවාල ලැබූවන්ගේ තත්වය බරපතල බවයි එරට වාර්තාවල දැක්වෙන්නේ.

සැකකරු මීට ඉහතදී ද පිහි ප්‍රහාරයක් සම්බන්ධයෙන් අත්අඩංගුවට ගෙන පසුව මුදාහරිනු ලැබූවෙකු බව තහවුරු වී තිබෙනවා.

මෙය ත්‍රස්ත ක්‍රියාවක් ලෙස සළකා විමර්ශන ආරම්භ කර ඇති බවයි නවසීලන්ත පොලිසිය සඳහන් කලේ.

2019 වසරේ මාර්තු 15 වනදා නවසීලන්තයේ ක්‍රයිස්චර්ච් නගරයේ මුස්ලිම් දේවස්ථාන 02 කට එල්ල වූ ප්‍රහාර මාලාවකින් පුද්ගලයන් 51 දෙනෙකු ජීවිතක්ෂයට පත්වුණා.