ඔස්ටේ්‍රලියාව එන්නත්කරණ කඩඉමක – භාවිත කල සමස්ත කොවිඩ් මාත්‍රා මිලියන 20 ඉක්මවයි – AusLanka TV – Australian News for the Sri Lankan community

ඔස්ටේ්‍රලියාව එන්නත්කරණ කඩඉමක – භාවිත කල සමස්ත කොවිඩ් මාත්‍රා මිලියන 20 ඉක්මවයි

ඔස්ටේ්‍රලියාව එන්නත්කරණ කඩඉමක – භාවිත කල සමස්ත කොවිඩ් මාත්‍රා මිලියන 20 ඉක්මවයි

ඔස්ටේ්‍රලියාව එන්නත්කරණයේ කඩඉමක් පසු කර තිබේ.

අද වනවිට මෙරටදී භාවිත කර ඇති සමස්ත කොවිඩ් එන්නත් මාත්‍රා සංඛ්‍යාව මිලියන 20 ඉක්මවා ගොස් ඇති බව සෞඛ්‍ය අමාත්‍ය Greg Hunt පැවසීය.

මේ වනවිට ජාතික සැළසුමකට අනුව එන්නත්කරණය සිදුවන බවද ඔහු සඳහන් කලේය.

අවුරුදු 12 න් ඉහළ දරුවන්ට එන්නත් ලබාදීම මීලග සැළසුම බවයි සෞඛ්‍ය අමාත්‍යවරයා කියාසිටියේ.

මේ අතර ඔස්ටේ්‍රලියාවේ එක් එක් ප්‍රාන්ත සියයට 70 – 80 ඉලක්කය සපුරා ගන්නා දින වකවානු පිළිබඳ පුරෝකථනයක් පෙරේදා දිනයේදී සිදුකෙරිණ.

ඊට අනුව මුලින්ම එම ඉලක්කයට ළගා වන්නේ තස්මේනියා ප්‍රාන්තයයි.

ඔක්තෝබර් 13 වනවිට එහි සියයට 70 ක්ද ඔක්තෝබර් 29 වනදා වනවිට සියයට 80 ක්ද ලෙස එම ඉලක්කය සම්පූර්ණ වනු ඇති බව සඳහන්.

වික්ටෝරියා ප්‍රාන්තය නොවැම්බර් 03 වනදා වනවිට සියයට 70 ක් ලෙසත් නොවැම්බර් 21 වනදා වනවිට සියයට 80 ක ඉලක්කය සපුරාලනු ඇති බවටයි අනාවැකි පළවන්නේ.

මීට අනුව අවසාන වශයෙන් එන්නත්කරණ ඉලක්කයට ළගාවන්නේ ක්වීන්ස්ලන්ඩ් ප්‍රාන්තයයි.