ලබන සතියේදී සිංගප්පූරුවෙන් ඔස්ටේ්‍රලියාවට ෆයිසර් මාත්‍රා ලක්ෂ 05 ක් – AusLanka TV – Australian News for the Sri Lankan community

ලබන සතියේදී සිංගප්පූරුවෙන් ඔස්ටේ්‍රලියාවට ෆයිසර් මාත්‍රා ලක්ෂ 05 ක්

ලබන සතියේදී සිංගප්පූරුවෙන් ඔස්ටේ්‍රලියාවට ෆයිසර් මාත්‍රා ලක්ෂ 05 ක්

සිංගප්පූරුව සමග ෆයිසර් එන්නත් මාත්‍රා හුවමාරු ගිවිසුම යටතේ ලක්ෂ 05 ක මාත්‍රා තොගයක් ලබාගැනීමට ඔස්ටේ්‍රලියාව සමත්වී තිබෙනවා.

එම එන්නත් මාත්‍රා ලබන සතියේදී ලැබීමට නියමිත බවයි අගමැති ස්කොට් මොරිසන් නිවේදනය කලේ.

මේ අනුව වයස අවුරුදු 12 ට වැඩි සෑම අයෙකුටම ලබන සතියේ එන්නත් ලබාදීමට හැකිවනු ඇති බව ඔහු සඳහන් කලා.

මෙම ගිවිසුමට අනුව ලබන දෙසැම්බර් මාසයේදී ඔස්ටේ්‍රලියාව විසින් සිංගප්පූරුවට ෆයිසර් මාත්‍රා ලක්ෂ 05 ක් පිරිනැමිය යුතු වනවා.

මෙම මාසය මුලදී ඔස්ටේ්‍රලියාවට පෝලන්තයෙන් ද ෆයිසර් මාත්‍රා තොගයක් හිමිවුණා.

අගමැති මොරිසන් පැවසුවේ ලබන මාසයේදී තවත් ෆයිසර් හා මොඩර්නා මාත්‍රා ලක්ෂ 55 ක් ලැබීමට නියමිත බවයි.