අමාත්‍ය බන්දුල ගුණවර්ධනට ද කොරෝනා

වෙළෙඳ අමාත්‍ය බන්දුල ගුණවර්ධනට ද කොවිඩ් 19 වෛරසය ආසාදනය වී ඇති බව තහවුරු වී තිබෙනවා.

ඔහු සිය ෆෙස්බුක් ගිණුමේ සටහනක් තබමින් මේ බව සඳහන් කලා.

සිය කාර්ය මණ්ඩලයේ නිලධාරීන් කිහිප දෙනෙකු හට මේ වන විට කොවිඩ් රෝගය වැළඳී ඇති බව තහවුරු වීමත් සමග ඊයේ සිදු කළ රැපිඩ් ඇන්ටිජන් පරීක්ෂණ වාර්තාව අනුව තමන්ටද රෝගය වැළඳී ඇති බව තහවුරු වූ බවයි එහි දැක්වෙන්නේ.

එබැවින් පසුගිය සතියක කාලය තුළ තමන් සමග රාජකාරී ඉටුකළ රජයේ නිලධාරීන්, හිතවතුන් ඇතුළු සියලු දෙනාට ස්වයං නිරෝධායනයට ලක් වන මෙන් ඔහු ඉල්ලා සිටිනවා.

එම සටහන පහතින් ..

”මාගේ කාර්ය මණ්ඩලයේ නිලධාරීන් කිහිප දෙනෙකු හට මේ වන විට Covid 19 රෝගය වැළඳී ඇති බව තහවුරු වීමත් සමඟ අද දින සිදු කළ rapid antigen පරීක්ෂණ වාර්තාව අනුව මා හට ද Covid 19 රෝගය වැළඳී ඇති බව තහවුරු විය. එබැවින් පසුගිය සතියක කාලය තුළ (2021-08-20) දින සිට මේ දක්වා මා සමඟ රාජකාරී ඉටුකළ රජයේ නිලධාරීන්, හිතවතුන් ඇතුළු සියළු දෙනාම ස්වයං නිරෝධායනයට ලක් වන මෙන් කාරුණිකව ඉල්ලා සිටිමි.

රට මුහුණ දෙන ව්‍යසනකාරී තත්වය හමුවේ ඔබේත් සමස්ත මහජනතාවගේත් ආරක්ෂාව පිණිස මෙසේ නිරෝධායනයට ලක් වීම අප සැමගේ වගකීම බව ද සිහිපත් කරමි.” 

ඔස්ට්‍රේලියා වීසා හිමියන්ට ස්වදේශ කටයුතු දෙපාර්තමේන්තුවෙන් දැනුම්දීමක්

ලබන 30 වනදායින් වීසා කාලය අවසන් වන සංක්‍රමණිකයන්ට ඔස්ට්‍රේලියානු ස්වදේශ කටයුතු දෙපාර්තමේන්තුව දැනුම්දීමක් සිදු කර තිබෙනවා.

Read More »

ඩේවිඩ් වෝනර් ජාත්‍යන්තර ක්‍රිකට් පිටියෙන් සමුගනී

ඔස්ට්‍රේලියානු කණ්ඩායමේ ආරම්භක පිතිකරුවෙකු වන සුපිරි ක්‍රීඩක ඩේව්ඩ් වෝනර් ජාත්‍යන්තර ක්‍රිකට් පිටියට සමුදීමට තීරණය කර තිබෙනවා.

Read More »

ඔස්ට්‍රේලියාවේ e-දුම්වැටි නීතිවල මතබේධාත්මක වෙනසක්

ඔස්ට්‍රේලියාවේ ඉලෙක්ට්‍රොනික දුම්වැටි සම්බන්ධයෙන් පවතින නීතිවල වෙනස්කම් කිහිපයක් අදියර දෙකක් යටතේ සිදු කිරීමට සැලසුම් කර තිබෙනවා.

Read More »