වික්ටෝරියා ප්‍රාන්තයේ කොවිඩ් ආසාධිතව රෝහල් තුළ ප්‍රතිකාර ලබන රෝගීන් අතර බිළිඳෙකුද වන බව ප්‍රාන්ත සෞඛ්‍ය අංශ අද තහවුරු කලේය.
එමෙන්ම වයස අවුරුදු 10 ට අඩු ළමුන් 112 ක් හා 10 ත් 19 ත් අතර ළමුන් 100 දෙනෙකුද මේ වනවිට ප්‍රතිකාර ලබමින් සිටින බවයි ප්‍රාන්ත කොවිඩ් අණදෙන නිළධාරී Jeroen Weimar සඳහන් කලේ.
ඩෙල්ටා ප්‍රභේදයේ පැතිරීමත් සමග 20-30-40 වැනි අඩු වයස් කාණ්ඩවල පුද්ගලයන්ට වෛරසය ඉතා සීඝ්‍රයෙන් වැළඳෙන බවටයි තහවුරු කරගෙන ඇත්තේ.
ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් ආසාදිතයින් 71 ක් හමුව ඇත.
මින් 49 දෙනෙකුට වෛරසය වැළඳුණු ආකාරය තහවුරු වී නොමැත.
මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 494 කි.
