“වික්ටෝරියා Lockdown තත්වය තවත් දීර්ඝ කිරීමට වුවද සිදුවිය හැකියි” – AusLanka TV – Australian News for the Sri Lankan community

“වික්ටෝරියා Lockdown තත්වය තවත් දීර්ඝ කිරීමට වුවද සිදුවිය හැකියි”

“වික්ටෝරියා Lockdown තත්වය තවත් දීර්ඝ කිරීමට වුවද සිදුවිය හැකියි”

පවතින තත්වය සලකා බලා ඇතැම්විට වික්ටෝරියා Lockdown තත්වය තවත් දීර්ඝ කිරීමට වුවද සිදුවිය හැකි බව වික්ටෝරියා ප්‍රාන්ත අගමැති ඩැනියල් ඇන්ඩෲස් පැවසීය.

අද පැවති මාධ්‍ය හමුවකදී ඔහු කියාසිටියේ කෙසේවෙතත් ඒ පිළිබඳ අවසන් තීරණයක් ගෙන නොමැති බවයි.

වික්ටෝරියා ප්‍රාන්තයෙන් ගතවූ දින කිහිපයේදීම කොවිඩ් ආසාධිතයන් වාර්තාවීම ඉහළ යාම මීට හේතුවයි.

දැනට සමස්ත වික්ටෝරියා ප්‍රාන්තයටම පණවා ඇති Lockdown තත්වය අවසන්වීමට නියමිතව ඇත්තේ ලබන සැප්තැම්බර් 02 වනදායි.

කෙසේවෙතත් ප්‍රාන්තයෙන් කුඩා පොකුරු ලෙස ආසාධිතයන් වාර්තාවීම නොසළකා හැරිය නොහැකි බවයි අගමැතිවරයා සඳහන් කරන්නේ.