ඕස්ට්‍රේලියාව එළැඹෙන පන්දුවාර 20 ලෝක කුසලානය සඳහා සිය සංචිතය නම් කරයි.
මෙම සංචිතයට දණහිසේ ආබාධයකට ලක්ව සිටි පන්දුවාර විස්ස කණ්ඩායමේ නිත්‍ය නායක එරොන් ෆින්ච් කැඳවා ඇති අතර හිටපු නායක ස්ටීව් ස්මිත් ද නැවත කණ්ඩායමට කැඳවා තිබීම විශේෂත්වයක්.
හිටපු නායක ස්ටීව් ස්මිත් ද මෙම කණ්ඩායමට එක්වන්නේ ඔහුගේ වැලමිටේ ඇතිව තිබූ ආබාධයක් හේතුවෙන් දිගු කලක් ක්‍රිකට් ක්‍රීඩාවෙන් ඉවත් ව සිටීමෙන් අනතුරුවයි.
මීට අමතරව ඔවුන්ගේ ඉදිරිපෙළ තරු පන්තියේ ක්‍රීඩකයින් වන ඩේවිඩ් වෝනර්, ග්ලෙන් මැක්ස්වෙල්, මාකස් ස්ටොනික්ස්, පැට් කමින්ස් සහ කේන් රිචඩ්සන් ද කණ්ඩායමේ සිය ස්ථාන වෙන් කර ගෙන තිබෙනවා.
ඕස්ට්‍රේලියානු කණ්ඩායම අවසන් වරට එක්වූ පන්දුවාර 20 තරගාවලි පහම පරාජය වූ අතර කැරිබියන් දූපත් සහ බංග්ලාදේශයේ සිදු කල තරග සංචාර වලදී ඔවුන් දැඩි පසුබෑමකට ලක් වුනා.
ඕස්ට්‍රේලියා ක්‍රිකට් විසින් ලෝක කුසලානය සඳහා නම් කර ඇති සංචිතය මෙසේයි.
