වික්ටෝරියා තවත් ආසාදිතයින් 22 ක් / Lockdown නීති කඩා පැවති යුදෙව් සාදයක 02 කට කොවිඩ් – AusLanka TV – Australian News for the Sri Lankan community

වික්ටෝරියා තවත් ආසාදිතයින් 22 ක් / Lockdown නීති කඩා පැවති යුදෙව් සාදයක 02 කට කොවිඩ්

වික්ටෝරියා තවත් ආසාදිතයින් 22 ක් / Lockdown නීති කඩා පැවති යුදෙව් සාදයක 02 කට කොවිඩ්

ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් ආසාදිතයින් 22 ක් හමුව ඇති බව වික්ටෝරියා සෞඛ්‍ය දෙපාර්තමේන්තුව පවසයි.

මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 205 කි.

ඊයේ දිනයේදී (15) වික්ටෝරියා ප්‍රාන්තය තුළ කොරෝනා පරීක්ෂණ 29,986 ක් සිදුකර ඇති අතර කොරෝනා එන්නත් මාත්‍රා 19,880 ක් ලබා දී තිබේ.

මේ අතර මෙල්බර්න් Lockdown නීති කඩකර පසුගිය සතියේදී පවත්වා ඇතැයි කියන සාදයක් සම්බන්ධයෙන් විමර්ශන ආරම්භ වී තිබේ.

විවාහ මංගල ලියාපදිංචි කිරීමක් වෙනුවෙන් පැවති මෙම සාදයේ දී මුව ආවරණ නොපැළඳ විශාල පිරිසක් එකම කාමරයක සිටින ආකාරයක් දක්නට ලැබේ.

මෙම උත්සවයට පැමිණි යුදෙව් ජාතික කාන්තාවක සහ ඇයගේ පුත්‍රයා කොවිඩ් ආසාධිත බවට තහවුරු විය.

එමෙන්ම පුද්ගලයන් 100 කට වැඩි පිරිසක් අදාළ සාදයට සහභාගී වී ඇති අතර එමගින් කිසියම් අයුරකින් කොවිඩ් පොකුරක් නිර්මාණය වීමේ අවධානමක්ද පවතී.