Powerball jackpot ලොතරැයියේ ඩොලර් මිලියන 80 ක ජයමල්ල දිනා ගැනීමට වික්ටෝරියා ප්‍රාන්ත වාසියෙකු ඊයේ රාත්‍රියේ සමත් විය.
මෙය වික්ටෝරියා ප්‍රාන්තයේ පදිංචිකරුවෙකු විසින් දිනාගත් වැඩිම ත්‍යාග මුදල වන අතර ඔස්ටේ්‍රලියා ඉතිහාසයේ ජය හිමිවූ 03 වන වැඩිම ත්‍යාග මුදලයි.
මෙවර ජයමල්ල වෙනත් කිසිදු අයෙකු අතරේ බෙදී ගොස් නොමැති අතර තනි ජයග්‍රාහකයෙකු පමණක් බිහිවී තිබීම විශේෂත්වයකි.
කෙසේවෙතත් ජයග්‍රාහකයා සම්බන්ධ කරගැනීමට ලොතරැයි සංවිධායකයන්ට ඊයේ රාත්‍රියේ හැකිවී තිබුණේ නැහැ.
එබැවින් වහා සිය ලොතරැයි පරීක්ෂා කරන ලෙසද වික්ටෝරියා ප්‍රාන්ත වාසීන්ගෙන් ඉල්ලීමක් කෙරේ.
