සෑම ඔස්ටේ්‍රලියානුවෙකුටම කොවිඩ් මර්දන එන්නතක් ලබාදීමට නත්තල් සමය පමණ වනු ඇති බවට නවතම වාර්තාවක් හෙළිකර තිබෙනවා.
ඒ අනුව ලබන වසර ආරම්භවීමෙන් පසු දේශ සීමා විවෘත කිරීමට හැකිවනු ඇතැයිද සඳහන්.
පසුගිය සිකුරාදා රැස්වූ ජාතික කැබිනට් මණ්ඩලය එන්නත්කරණය පිළිබඳ අධියර 04 ක මාර්ග සැළැස්මකට අනුමැතිය දුන්නේය
ඒ අනුව මුලු ජනගහණයෙන් සියයට 80 ක් පමණ පූර්ණ එන්නත්කරණයට ලක්කිරීමෙන් පසු දේශ සීමා විවෘත කිරීමටයි නියමිතව ඇත්තේ.
දැනට ක්‍රියාත්මක එන්නත්කරණ වැඩපිළිවෙල Phase A ලෙස නම් කර ඇත.
Phase B යටතේ සිදුවන්නේ එන්නත් ලැබීමට සුදුසුකම් ලබා ඇති ජනගහණයෙන් සියයට 70 කට දෙවන මාත්‍රාව ලබාදීමයි.
එම ඉලක්කය සියයට 80 ක් වු පසු අධියර Phase C ලෙස නම් කරනු ලබයි.
සමස්ත වැඩිහිටි ජනගහණය එන්නත් කර අවසන් කිරීමත් – ජාත්‍යන්තර ගුවන් ගමන් ආරම්භ කිරීමත් සමග Phase D අධියර ක්‍රියාවට නැංවෙන බවයි අගමැති ස්කොට් මොරිසන් කියාසිටියේ.
