ඉන්දියාවට එරෙහිව පළමුවරට පන්දුවාර 20 තරගාවලි ජයක් ලැබීමට ශ්‍රී ලංකාව ඊයේ රාත්‍රියේ සමත්වුණා.
ඒ දෙරට අතර 03 වන පන්දුවාර 20 තරගය කඩුලු 07 කින් ජය ගනිමින්.
මේ අනුව තරගාවලි ජය 02 ට 01 ක් ලෙස හිමිවූයේ ශ්‍රී ලංකාවටයි.
කොළඹ ආර් ප්‍රේමදාස ක්‍රීඩාංගණයේ පැවති තරගයේ කාසියේ වාසිය දිනා පළමුවෙන් පන්දුවට පහරදුන් ඉන්දියාව නියමිත පන්දුවාර 20 අවසානයේ කඩුලු 08 ක් දැවී ලබාගත්තේ ළකුණු 81 ක් පමණයි.
නායක ශිකර් ධවාන් ඇතුලු 03 දෙනෙකුම කිසිදු ළකුණක් ලබාගත්තේ නැහැ.
කුල්දීප් යාදෙව් නොදැවී 23 යි.
බුවනේෂ්වර් කුමාර් 16 කට දැවී ගියා. වනිඳු හසරංග ළකුණු 09 කට කඩුලු 04 ක් බිඳහෙලුවා.
පිළිතුරු ඉණිම ක්‍රීඩා කල ශ්‍රී ලංකාව පන්දුවාර 14 යි පන්දු 03 ක් අවසානයේ කඩුලු 03 ක් පමණක් දැවී ජයග්‍රාහී ඉලක්කය පසු කලා.
ධනංජය ද සිල්වා නොදැවී 23 යි.
මිනෝද් භානුක 18 ක් ද වනිඳු හසරංග නොදැවී 14 ක්ද රැස්කලා.
රාහුල් චහාර් ළකුණු 15 කට කඩුලු 03 යි.
තරගයේ මෙන්ම තරගාවලියේ වීරයා ලෙස නම් කෙරුණේ වනිඳු හසරංගයි.
ඔහුගේ උපන් දිනය ද ඊයේ දිනයට යෙදී තිබීම විශේෂත්වයක්.
